Nin tuug ah oo taariikh aan horay loo arag loona maqal ka sameeyay magaalada Muqdisho

Iyadoo wax walba la maqlaayo inta aad dunidaan korkeeda saaran tahay ayaa hadana maanta waxa aynu idiin haynaa warbixin ku saabsan nin tuug ah oo sameeyay taariikh aan horay loo arag loona maqal, taas oo ugu dambeeyn ku kaliftay inuu kasoo laabto wadadii qaldaneed ee uu ku socday.

Ninkaan tuuga ah ayaa muddo haatan laga joogo 5 cisho waxa uu galay guri ku yaalada degmada Shibis ee magaalada Muqdisho, isaga oo darbiga guriga ka booday, waxaana halkaasi uu kasoo qaatay boorso aad u buuxdo.
Tuugii oo aan la fahmin ayaa hadana nasiib wanaag waxa uu kasoo baxay gurigii isaga oo xaafadiisii usoo qaatay boorsada uu helay, laakiin boorsadii ayuu durba furay isaga oo eegaaya waxa meesha ku xareeysan.
Run ahaantii meesha waxa uu ku arkay dhar cusub taleefan gacanka ah, lacag shilin Soomaali ah, saacado cusub iyo agab kale, laakiin meesha waxaa kaloo uu ku dhex arkay bac ay ku jirto daawo iyo warqad ay ku qoran tahay magac naag oo warqadda dhaqtarka ahna cadeeneysa qofka meesha ku qoran in Buro dhanka caloosha ah laga qalay.

Waxa uu sameeyay daawadii ayuu soo qaaday waxaana uu u yimid nin ay daris ahaayeen farmashiyana gado, waxaana loo sheegay in daawadaan dalkaba aan laga helin lacag qaali ahna ay joogto.
Ninkii dib ayuu u fikiray, waxaana uu is tusay hadii maanta daawadaan uu gato ama uu iska tuuro in dhib weyn ay u tahay qofkaasi xanuunsan oo haweenka ah, waxaana uu is tusay inuu u geeyo, laakiin waxa uu ku fikiray hadii aad u tagtid armaa dhibaato laguu geestaa ama lagu xiraa.
Balse damiirkii ayaa u diiday in daawadaasi uu meel cidlo ah ku dayaco, waxaana uu go’aansaday Boorsada oo sideeda ah inuu dadkii lahaa u celiyo ilaahayna uu cafis weeydiisto.
Reerkii boorsada laga xaday oo aad u wal wal sanaa gaar ahaan ka murugeysnaa daawada dhibka lagu helay sida lagu qaatay ayaa guriga waxaa soo galay nin jiidaaya Boorso aad u weyn oo ah tii ay cida lahayd.
Guriga waxaa joogay odaygii reerka oo xaaskiisa qalneed, iyo dhalinyaro ay wax isku yihiin oo baadi goobka tuuga ku jiray, laakiin markii la arkay waxaa lagu bilaabay su’aal ah war inteed boorsadaan ka keentay.
Laakiin tuugii ayaa u sheegay sida uu u qaatay iyo sida maskaxdiisa ay ugu soo dhacday in boorsadaan uu dib usoo celsho, waxaana yaabay reerkii, laakiin Odaygii reerka ayaa tuugii laabta geliyay kuna yiri <br /> <br /> “Qeyr Allah ku siiyo nin nadiif ah ayaad tahay oo qalbi iyo Biniaadanimo ku jirto”.
Tuugii cida ayuu raali geliyay gaar ahaan qofkii xanuunsanaa, waxaana uu meesha ku balan qaaday in mar dambe aanu tuug noqon doonin, laakiin Odaygii reerka ayaa siiyay lacag abaal marin ah una  sheegay wax walba uu u baahdo in gurigaas uu usoo doonto, maanta ka dibna aan guriga laga xigin

garable.com
muxudin diini fiidow

ar Deg Deg Ah Soomaalida Kunool Dalka Angola oo ku jira Xiliga kala Carar qaarkoodna guryaha isku soo xireen

Wararka aan ka heleyno Dalka Angola ayaa sheegaya in Xiligan Soomaalida kunool Dalkaasi ay kujiraan kala carar iyo cabsi kadib markii Ciidamada Dalkaasi bilaabeen Howl galo lagu raafayo dadka ajaaniibta ah ee kunool Dalkaasi Soomaalidana qeyb kayihiin.

Howlgalkan ayaa si daran maanta ilaa xiligan uga soconaya Caasimada Dalka Angola ee Luanda halkaas oo hada xabsiyada la dhigay in kabadan 3-Kun oo u badan ajanaiib kasoo jeeda dalalka AfrikaDadka la xir xiray ee xabsiyada la dhigay waxaa kujira Boqolaal Soomaali ah kuwaa oo hada kusugan Saldhigyada laguna wado baaritaano ku aadan cida aan Shaciga heesan iyo kuwa Heesta.

Ciidamada ayaan gacanta ku dhigaya cidii ay arlkaan in aysan Dalkaasi u dhalan iyagoona aan weediineyn xitaa hadii ay Sharciyo heestaan iyagoona u dhaadhicinaya Xabsiyada halkaasna lagu soo kala saarayo dadka sharci darada ku jooga dalkaasi iyo kuwa ana Sharciyada aan heesan.

Soomaalida kunool Caasimada Angola ayaa kala carar bilabaay iyagoona qaarkood guryaha isku soo xireen halka kuwa kalana ay u baxsadeen goobaha Tuulooyinka si ay uga nabad galaan raafka soconya sida uu Shabakada garable.com u sheegay Cartan Xiirey Asbaro oo isagu naftiisa xiliga uu nala hadlayay qol isku soo xiray kuna sugan Caasimada ANgola.

lama oga Howlgalkan Raafka ah waxa maanta kusoo beegay iyo ujeedada ka dambeysa iyadoona dadki la xiray hada badi lagu hayo Saldhigyada Magaalada Luanda laguna wado baaritaano.

garable.com
muxudin diini fiidow

Saxiixayaasha Road Map-ka oo dhisaya Guddiyo kala duwan oo la sheegay inay qaban doonaan

Kooxda lixda ah ee la baxday saxiixayaasha Road Map-ka ayaa maanta oo Talaado ah waxa uu shir uga furmayaa magaalada Nairobi ee xarunta dalka Kenya, kaas oo loogahadlayo dhismaha Guddiyaal kala duwan oo ay sheegeen inay qabanayaan dhismaha iyo hagaajinta Road Map-ka.
Sida warku sheegayo shirkan ayaa waxaa lagu dhisayaa Guddi loo bixiyey Guddiga farsamada oo ay sheegeen in Odayaasha dhaqanka uu kala talinayo qaabka ay u soo xulayaan ergooyinka ansixinta dastuurka iyo soo xulista xubnaha cusub ee Baarklamaanka bedelaya kan haatan jooga.
Sidoo kale saxiixayaasha Road Map-ka ayaa la sheegay in shirkooda ay ku dhisayaan Guddi qaabilsan qiimeynta xubnaha ka mid noqonaya Baarlamanka cusub ee soo socda, taas oo ay si weyn uga horyimaadeen qaar ka mid ah siyaasiyiinta Soomaaliyeed iyo musharixiinta u taagan xilka Madaxweynaha Soomaaliya, kuwaas oo sheegay inaan la aqbali karin in koox keliya ay ku takrifasho amaba ay maamusho qorshaha Road Map-ka.
Shikan oo ah kii labaad muddo bil gudaheed ah ay sheegeen saxiixayaasha Road Map-ka ayaa u muuqda inuu si cad uga horimaanayo hadal uu dhawaan sheegay Ra’isul wasaaraha Xukuumadda KMG Soomaaliya C/weli Maxamed Cali {Gaas} kaas oo ahaa inuu dhamaaday doorkii saxiixayaashu ay ku lahaayeen Road Map-ku haddana ay usha agtaalo Odayaasha dhaqanka oo uu sheegay in looga baahanyahay inay si cadaalad ah u soo xulaan ergooyinka ansixinaya dastuurka qabyo qoraalka ah iyo soo xuliska Baarlamaanka cusub ee soo socda.
Si kasta oo ay ahaataba Guddiyan ayaa haddii hirgalaan waxay keeni karaan in qaar ka mid ah xubnaha ay beelahooda u soo doortan inay ka mid noqdaan ergooyinka amaba xubnaha Baarlamaanka in dib loogu celiyo beelahahooda oo laga dalbado inay soo bedelaan, waxaana la sheegayin shuruudaha laga doonayo xubnaha Baarlamaanka cusub ay noqdaan kuwo aan dalka dembi ka gelin, isla markaasna leh aqoon iyo karti

garable.com
muxudin diini fiidow