UN-ka iyo USA oo ka digay in wakhtiga loo kordhiyo xukuumada KMG ah ee Somalia.

Golaha Amaanka ee Qaramada Midoobey ayaa shirkii ka dhacay Magaalada New York kadib waxaa ay diirada saaren xaalada Soomaaliya, iyagoo war-saxaafadeed ka soo saaray waxa la filan karo. Waxaa ay sheegeen Golaha Amaanka in aysan diyaar u ahayn in ay u dulqaataan in ay wakhtiga kororsato xukuumada KMG ah ee Soomaaliya haatan ka jirta. War-saxaafadeedka waxaa lagu sheegay in ay arintaasi dhici karto iyagoo u aaneyey qodobo dhowr ah oo aan hir gelin kuwaasi oo qayb ka ahaa shirkii Magaalada London ee Soomaalida loo qabtay. “waqtiga dawlada waa uu ku socdaa dadaalada siyaasadeed ee dawladu wadana waxaa ay marayaan marxalado adag” ayaa lagu yiri war saxaafadeedka kasoo baxay golaha amaanka ee Q,M. Dowlada KMG ah ee Soomaaliya waxaa lagu amaanay wax qabad buuxa oo ay samaysay iyadoo weliba lagu amaana sugida Amniga iyo ka saarida Al-shabaab ee Gobollada dalka, balse waxaa lagu baaqay in ay xukuumada samayso isbedel siyaasadeed. Susan Rice haweenayda safiirka Marakaykanka uga ah Qaramada Midoobey ayaa sidoo kale sheegtay in ay tahay wax aan loo dulqaadan doonin in uu dhaco wakhti kororsi iyadoo la sugayo doorasho ka dhacda Soomaaliya bisha Agoust. “ dib u dhac kasta iyo waqtigu dhamaado waa wax aan loo dulqaadan doonin waana in la sameeyaa dadaal klasta oo looga gun gaarayo in ku meel gaarnimada laga baxo” ayay tiri Susan Rice Ururka Midowga Yurub ayaa iyagu shalayto waxaa ay soo saareen qoraal dheer oo ay ku dhaleecanayaan in uu wakhti kororsi ka dhaco Soomaaliya, iyagoo sheegay in aysan taageeri doonin wakhti kororsi


garable.com

Maxkamad Ciidanka Qaranka S/land Oo Dil Ku Xukuntay Dableydii Lagu Soo Qabtay Iska Hor Imaadka Shalay

Maxkamadda Ciidammadda Qaranka Somaliland, ayaa maanta fadhi ay yeelatay xarunta taliska guud ee ciidanka qaranka waxay xukuno dil iyo xabsi daa’in iskugu jira dil iyo xabsi daa’in.
Maxkamaddu waxa la sheegay inay sadex qof oo ka mid ahaa dadkii shalay lagu soo qabtay weerarkii xeradda Soodaanta xoriyadoodii loo soo celiyay, halka 5 xubnood lagu xukumay xabsi daa’in isla markaana 17 kalena lagu xukumay xukun dil ah.

Ma jiro illaa imika wax tafaasiil ah oo ay Maxkamaddu ka soo saartay xukunkeedan iyo qodobadda ay u cuskatayba, hase yeeshee waxa in xukunkani dhacay u xaqiijiyay shabakadda wararka ee Somaliland.Org qaar ka mid ah eheladda dadkan la xukumay oo la sheegay inay maxkamaddu ku sababaysay inay galeen jariimad qaran isla markaana ay weerareen khasaarena u geysteen ciidanka qaranka.

Taliyeyaasha ciidammadda Booliska iyo Qaranka ayaa shalay soo bandhigay hub ay ku soo qabteen kooxdan la xukumay oo ay sheegeen in sagaal ka mid la soo qabtay iyagoo dhaawac ah.

garable.com

Askari katirsan Ciidamada Dowlada KMG oo goordhow lagu toogtay Bakaaraha

Wararka haatan nasoo gaaraya ayaa sheegaa in askari katirsan ciidamada Dowlada KMG goordhow lagu toogtay gudaha Suuqa Bakaaraha.

Kooxo Hubaysan ayaa weerar ku qaaday askarigan oo kusuganaa gudaha Bakaaraha iyadoo intii ay toogteen goobta ka baxsaday.

Dilka askariga ayaa waxaa ka dhashay in gud ahaan uu xirmo Suuqa gaar ahaan qeybta uu dilku uu ka dhacay.

Ciidamo aad ubadan oo katirsan dowlada KMG ayaa gaaray halka dilka uu ka dhacay iyagoo wadooyinka dhan xiray.

Waxaa ay wadaan Howlgalo xoogan oo lagu baadi goobayo kooxdii dilka gaystay, waxaana jira warar sheegaya in askar katirsan ciidamada dowlada ay ka danbeeyeen dilka.

Suuqa Bakaaraha ayaa ah halka ugu wanaagsan dhanka amaanka Magaaladda Muqdisho iyadoona si weyn loo ilaaliyo.


garable.com

Sh Shariif oo sheegay in ay qasab tahay wadahal lala galo Somaliland iyo in la taageero dowladiisa

Madaxweynaa dowlada KMG Soomaalia Sh Shariif Sh Axmed ayaa shaaca ka qaaday in dowladiisa ay wado qorshihii ugu danbeeyay ee kala guurka ayna sida ugu dhaqsiyaha badan wadahadal la gali doonto Somaliland,

Isagoo ka hadlayay kulankii QM ee xaaladda Soomaalia ayaa Sh Shariif Waxaa uu sheegay in dowladiisa ay diyaarinayso qorshihii wadahadalka Somaliland.

Waxaa uu tilmaamay in uu gudi usaaray wadahalka Somaliland laakiin ay iska jiraan caqabado taagan lagana gudbi doono sida uu hadalka udhigay.

Madaxweynaha Dowlada Soomaalia ayaa Somaliland ku tilmaamay maamul hoos yimaada dowlada KMG oo ka shaqeeyay amaan xiligii gobolada kale ee dalka ay colaadaha ka jireen

Mar uu ka hadlayay arimaha kale ee xaaladda kala guurka ayaa Sh Shariif waxaa uu sheegay in ay meel wanaagsna marayso ansixinta dastuurka qabyadda ah.

Beesha caalamka ayuu ugu baaqay in ay garab istaagto dowlada Soomaalia so looga gudbo marxalada khalafsan gaar ahaan KMG iyo arimaha kale

Shirka ayaa soo dhamaaday iyadoona laga soo saaray Warmurtiyeed ay beesha caalamka ku balan qaadau in ay taageerayso dowladda Soomaalia.

Bayaanka Shirka ayaa waxaa ku xusnaa in dowlada Soomaalia laga taageeri doono hirgelinta dastuurka qabyadda ah, ka bixitaanka KMG iyo in la helo dowlad Xoogan.

Sidoo kale Waxaa laga gacan siin doonaa la dagaalanka Shabaab iyo Burcad badeeda iyadoo la siin doono dhaqaalo ku filan howlaheeda.




garable.com

WAR DEG DEG: Dagaalo culus oo hadda ka soconaaya agagaaraha Madaxtooyada Somaliya

Dagaalo xoogan ayaa waxay ka soconayaan agagaaraha Madaxtooyada ee Soomaaliya, waxayna dagaaladu ay yihiin kuwo culus oo si weyn looga maqlaayo qeybo ka mid ah Magaalada Muqdisho. Dagaalada ayaa waxay ka soconayaan Xaafadda Xararyaale ee Degmada Wardhiigley ee Gobolka Banaadir, isla-markaana dagaalada ayaa waxay u dhaxeeyaan Ciidamadda Nabad Suggida iyo Ciidamadda Booliska ee Dowladda Kmg ah ee Soomaaliya. Dagaalada ka soconaaya Degmada Wardhiigley oo leesku adeegsanaayo hubka cul culus, ayaa waxaa si weyn looga maqlaayaa dacalada Degmada Wardhiigley iyo qeybo kaloo ka mid ah Magaalada Muqdisho. Xilli dagaalada ay sii soconayaan ilaa 30 daqiiqo ayaan jirin wax ciidamo ah oo soo kala dhex gallay dhinacyada dagaalamaeyso, sidoo kale majiraan wax Saraakiil ah oo Dowladda Somaliya ka tirsan oo dagaalada ka hadlay. Jugta hubka cul culus ayaa waxay baqdin ku beereyn shacabka ku dhaqan Degmada Wardhiigley, waxayna dagaalada ay u muuqdaan kuwo sii xoogeysanaaya haddii aysan waxba ka qaban Dowladda Somaliya. Dagaalka maanta u dhaxeeya Ciidamadda Booliska iyo Ciidamadda Nabad Suggida ee Dowladda Kmg ah ee Soomaaliya, ayaa waxay ka duwan yihiin dagaaladii hore ee dhex mari jiray Ciidamadda Dowladda


garable.com

Susan Rice: Dowladaha Caalamka ha taageeraan Soomaaliya

Maraykanka ayaa ugu baaqay wadamada Caalamka in la taageero Soomaaliya si looga saaro dhibaatooyinka ka jira. 

Wakiilka Maraykanka u fadhiya Qaramada Midoobay Haweenayda lagu magacaabo Susan Rice oo hadal ka jeedinaysay kullankii golaha ammaanka ee QM ayaa waxa ay ugu baaqday dowladaha deeqda bixiya in dowlada KMG ah laga taageero dhinaca dhaqaalaha si loo kobciyo dadaalada dhibaatooyinka looga saarayo dalka Soomaaliya. 

Susan Rice ayaa ugu baaqay dowladahaasi in sidoo kale ay ka faalo qaadaan dhaqaalaha ku baxa Howlgalka Midowga Afrika ee Soomaaliya, kaasi oo ay ku baxayaan qarashaad gaaraya 200-oo milyan oo dollar-ka Maraykanka ah. 

Wakiilka Maraykanka u fadhiya Qaramada Midoobay ayaa intaasi ku dartay in loo baahan yahay in laga faa’ideysto howlgallada Ciidamada Midowga Afrika ee AMISOM ay isugu fidiyeen gobolada dalka ee looga itaal roonaaday Xarakada Al Shabaab, islamarkaana lasii dar dar galiyo. 

Maraykanka waxa uu ka mid yahay dowladaha taageera Soomaaliya, iyadoo dhawaan war kasoo baxay lagu sheegay in ay kordhinayaan duqeymaha ay la beegsadaan Xarumaha Al Shabaab ay ku leeyihiin dalka Soomaaliya.

garable.com

Qaramada Midoobey oo digniin u Jeedisay Madaxda Soomaalida

-Dawladaha ugu quwada weyn Gollaha Amaanka ee Qaramada Midoobay ayaa digniin adag u jeedisay madaxada DFKMG ah oo u muuqda in xiligu ka dhacayo iyaga oon meel marin qodobadii Road Mapka. Madaxda dalalka Mareykanka,Britain iyo Jarmalka ayaa kulan uu maanta yeeshay Gollaha amaanka oo Sheekh Shariif ka qeybgalay ayaa loogu sheegay in taageerada caalamku ku xidhan tahay meel marinta qodobada loo igmaday. Qoraal kulankaa laga soo saarayna waxa lagu sheegay in marxalada Soomaaliya ay hada mareyso meel xasaasi ah. Isla markaana waxa madaxada Soomaalida lagu booriyay in ay mudada u hadhsan ay ku gunaanada qodobadii loo igmaday meel marintooda. DFKMG ah ee Soomaaliya ayaa mudadu kaga egtahay  bisha August ee sanadkan. Dawlada KMG ah ayaa beesha caaamku u igmatay in ay dalka ka saarto xiliga kala guurka.

garable.com

Dagaallo cullus oo xalay ruxay Gudaha Ceel-Buur

Dagaalka oo socday qadar Hal saac xeriir ah ayaa xalay ruxay bartamaha Magaalada Ceelbuur oo ay kusuganyihiin askarta Itoobiya. Ciidamada wilaayada Galguduud ee Shabaabul Mujaahidiinta ayaa xalay weerar culus ku ekeeyay fariisimaha Itoobiyaanka iyo mushrikiintu kuleeyihiin Ceelbuur iyo Duleedkeeda. Dagaalka ayaa waxaa kahoreeyay madaafiic hoobiyayaal ah oo ciidamada mujaahidiinta Alshabaab ay kugaraaceen saldhigyada Cadowga ay kuleeyihiin gudaha Ceelbuur. Ciidamada Alshabaab oo Takbiirsanaya ayaa soo jiiray dhufesyo Duleedka Magaalada ay kuleeyihiin Ciidamada kooxaha qabuuro Caabudka ah,waxaana rasaastu ay usii dhaadhacday bartamaha Magaalada oo ay isku farasaareen Ciidamada Itoobiya iyo kuwa mujaahidiinta Soomaaliya. Macada qasaaraha inta uu gaarsiisanyahay,wax faafaahin ah kama soo bixin xarakada oo ku aadan dagaalkii cuslaa ee xalay kaqarxay Magaalada Ceelbuur ee Gobalka Galguduud. Ma ahan markii ugu horeysay mujaahidiinta Alshabaab ay weeraro kuqaadaan ciidamada Itoobiya ee duulaanka qaawan kujooga Gobalka Galguduud iyo meelo kale oo dhaca wadankeena Somalia.

garable.com

Xukuumadda Somaliland oo ku dhex Asqawday Ajandayaasha Beesha Caalamku Somaliya Dawladda ugu dhisayaan iyo Madaxweyne Siilaanyo oo Safarkii Ingiriiska ka baaqsanaya

Midawga Yurub oo diidan in Sh Shariif mudada loo kordhiyo iyo Maraykanka oo ku mashquulsan Khilaafka ka aloosan Shirka Madax dhaqameedka Muqdisho oo xaalada Siyaasadeed wax ka bedelay Hargeysa(Waaheen) Madaxweynaha Somaliland Axmed Maxamed Maxamud Siilaanyo ayaa la filayaa inuu ka baaqsado qorshe la filayay inuu ugu Duulo dalka Ingiriiska si uu uga qayb galo wadahadalo Beesha Caalamku maaganayd inay isaga iyo Sh Shariif u qabato si ay uga wadahadlaan Mustaqbalka Somaliya. Baaqashada Madaxweyne Siilaanyo iyo wefti Wasiiro ah oo raaci lahaa ayaa waxa sababay khilaaf Midawga Yurub iyo Maraykanka ka dhex taagan, taasi oo ah in ay isku maandhaafsan yihiin qaabkii looga bixi lahaa khilaafka siyaasadeed ee ka aloosan Dastuurka qabyo qoraalka ah oo si weyn looga soo horjeestay. Sidoo kale wakhtiga Cidhiidhiga ah ee u hadhsan Dawladda Ku-meel gaadhka oo iyana noqotay caqabad kale oo aan laga gaashaaman Karin sidii loo qabyo tiri lahaa ayaa keentay in Beesha Caalamka gaar ahaana Midawga Yurub iyo Maraykanku isku qabteen habkii looga bixi lahaa. Maraykanka ayaa Aaminsan inaan wakhtiga hadhay waxba lagu qaban Karin oo aan lagu bedeli Karin Nidaamka ka dhisan Somaliya ee Sh Shariif Hormoodka u yahay, waxaanay wadaan Shirk a dhacay magaaladda New York, kaasoo la filayo in dib loogu Eegayo Muddo Kordhin loo sameeyo Xukuumadda Ku-meel gaadhka ah. Hase yeeshee taas wax aka soo horjeeda Midawga Yurub, iyagoo Shir Golaha Arrimaha Dibeda uga socda Midawga Yurub uga socda Brusels  laga soo saaray  go’aan ku lidi ah qorshaha Maraykanka kaasi oo sheegaya inaan wax muddo kordhin ah loo samayn Karin Xukuumadda Sh Shariif. Qorshayaashan iska hor imanaya ee Maraykanka iyo Midawga Yurub ayaa Wiiqaya Qorshihii iyo Go’aamadii ka soo baxay Shirkii Ingiriiska, waxaanay talaabooyinkani caqabad ku noqonayaan in ay suurtogalaan wadahadalo Somaliya iyo Somaliland Madaxweynayaashooda ku dhex mari lahaa Ingiriiska Toddobaadka Danbe. Madaxweyne Siilaanyo ayaa Madaxweyne ku-xigeenkiisa ka baajiyay Xaflad lagu martiqaaday oo ka dhici lahayd Sweden taasi oo ay Jaaliyadda Somaliland ugu dabaal degaysay Maalinta Qaranida ee 18-ka May, hase yeeshee Madaxweyne Siilaanyo laftiisa ayay warar aanu ka helnay Ilo Xogogaal ahi sheegayaan inuu ku jiro xaalad labac labac ah oo la filayo inuu kaga baaqdo safarkii uu Ingiriiska ku tagi lahaa. Ilaa hada ma cada in Madaxweyne Siilaanyo sii wadanayo safarkaasi iyo inuu ka baaqanayo, maadaama aan wali go’aan cad laga haynin Beesha Caalamka hase yeeshee waxay u muuqataa Siyaasadda Madaxweyne Siilaanyo ee Arrimaha Dibedu mid ku dhex Asqaysan Ajandayaasha Beesha Caalamku ku maamulayso aayaha danbe ee Somaliya oo ah mid mugdi ku jirta.



garable.com