Wadada isku xirta afgooye iyo Muqdisho oo wali xiran iyo qudar la,an ka jirta suuqyada Muqdisho

Wararka naga soo gaaraya wadada dheer ee isku xirta Muqdisho iyo Afgooye waxaa saakay xiran Ciidamada dowladda KMG Soomaaliya, taasoo saamayn ku yeeshay shacabka ku nool Caasimada Magaalada Muqdisho oo qudaartii, Hilibkii iyo Caanihii kaga imaan jiray dhanka Sh/hoose.
Saakay oo Jimco ah ma jiraan wax gawaari ah oo  ka dhex shaqeynaya Wadada Isku xirta Muqdisho iyo Afgooye, iyadoo Ciidamada dowladda KMG Soomaaliya ay dadka iyo gaadiidka isticmaala wadadaasi diideen inay isticmaalaan.
Shacabka Muqdisho oo ku xirnaa Qudaarta, Caanaha iyo Hilibka oo dhanka Sh/hoose kaga imaan jiray ayaa maantay helin dhammaan Adeegyadaasi oo ay u baahnaayeen, iyadoo sarakac laga dareemayo suuqyada Muqdisho qiimaha Qudaarta, Hilibka iyo waliba Caanaha.
Lama oga xiliga Ciidamada dowladda KMG Soomaaliya dib  u furayaan wadadaasi isku xirta Muqdisho iyo Afgooye, taasoo shalay si caadi ah u shaqeynayay, dadkii barakacayaashana u saamaxday inay soo gaaraan Magaalada Muqdisho.
Si kastaba shalay ayay ahayd markii iska hor’imaad sababay dhimasho iyo Dhaawac Ex koontarool Afgooye ku dhexmartay Ciidamo ka wada tirsan Dowladda KMG Soomaaliya.
garable.com
muxudin diini fiidow

Xaalada afhayeenka shabaab shekh Cali dheere oo laga dayrinayo dhaawac soo gaaray, magaalada kmismaayo oo lagu dabiibayo, Xog Hoose

Afhayeenka shabaab sheikh Cali Maxamuud Raage ayaa la sheegay in uu dhawac ka soo garay dagaal daraad ka dhacay Duleedka Muqdisho ee Degmada dayniile, oo uu deegaan ahaan ka soo jeedo.
Cali dheere ayaa la sheegay in dhaawac uu ka soo gaaray xaga sare gaar ahaan, waxaa la sheegay in xabad uga dhacday xabadka iyo garabka midig.
Afhayeenka shabaab oo ka mid ahaa saraakiishii Hogaaminaysay dagaalka ay amisom kula waabariisatay maalmo ka hor Dayniile, ayaa la sheegay in dhaawaciisa uu haatan yahay mid culus.
Dhaawaca Cali dheere oo waxba looga qaban waayay deegaanada ku dhaw halka uu dagaalka ka socdo, waxaana la sheegay in la Geeyay isbitaal caalami ah oo ku yaala magaala Xeebeedka Kismaayo, oo ay joogaan taqaadiir cadaan ah.
Sida uu Bogan Nuxur.com u sheegay mid ka mid ag gacan yarayaasha wadaadka ay Maraykanka doon doonaan ee Xasan daahir, ayaa Bogan u sheegay in dhaawaca Cali dheere uu yahay mid Culus oo halis ah.
Sidoo kale dhaawaca afhayeenka shabaab ayaa imanaya Xili dagaalo kulul oo xasaasi uu ka socdo hareeraha Muqdisho, taas oo looga bartay in uu ka hadlo taasi oo shaki badan dhalin karta hadalka cali dheere oo la waayay.
Afhayeenka ayaa lagu yaqanaa nin aan ganban Xiliyadan oo kale ay tahay, mid uu ka soo muuqan jiray saxaafada M uqdisho.
garable.com
muxudin diini fiidow

Golaha Wasiirada oo isku raacay in Shirkadda Hormuud wax lug ah ku laheyn eedeymaha ay soo jeedisay QM

(Muqdisho, 25 May 2012) Wasiirka Arrimaha Gudaha iyo Amniga Qaranka ayaa golaha siiyey warbixin la xiriirta baaritaan rasmi ah oo ay hay’adaha amniga ku sameeyeen eedeyn Qaramada Midoobey u soo jeedisay Shirkadda Hormuud 17kii Febraayo oo lagu eedeeyey arrimo dhowr ah. Wasiirku waxuu sheegay in baaris dhamesytiran oo lagu sameeyey shirkadda isla markaana lala xiriiray hay’adha Qaramada Midoobey, waddanka Djibouti iyo AMISOM in hay’adaha amniga ay soo dhameystireen baaristooda oo uu Wasiirku sheegay in Shirkadda Hormuud lagu waayey wax danbi ah, isla markaasna ay eedeymahaas ahaayeen kuwo aan sal iyo baar toona laheyn. Dood dheer ka dib Golaha Wasiiradu waxey si aqlabiyad ah u taageereen go’aanka baaritaanka iyo warbixinta Wasiirka oo ahyed in baaq loo diro Qaramada Midoobey, beesha caalamka iyo shacabka Soomaaliyeed ee ku wajahan in Shirkadda Hormuud aysan wax lug ah ku laheyn eedeymahaas loo soo jeediyey.
Shirkadda Hormuud waxaa la aas-aasay Bishii March 10, 2002. Hormuud waxey shaqo bilowday bishii April,2002. Hormuud waa shirkad ka shaqeysa adeegyada is-gaarsiinta “Hormud Telecom Somalia Inc.” Waa shirkad si sharci ah uga diiwaan gashan dhamaan hay’adaha dowligga ah ee khuseeya, Lehna shati caalami ah.
Shirkadda waxaa iska leh muwaadiniin Soomaaliyeed oo saamiley ah. Hormuud waxaa saamigeeda wadaaga dad gaaraya in kabadan 3000 qof. Shaqaalaha tooska ah waa 5000 qof, Shaqaalaha aan tooska aheyna waa 15,000 oo ka shaqeysta adeegga shirkadda.
Khadka Hormuud wuxuu gaaraa-Degmada Bandiredley ee gobolka Mudug ilaa gobolada ku teedsan xuduuda Kenya. Shirkadda Hormuud waa cashuur bixiye waxay taageertaa arrimaha Waxbarashada ilaa heer jaamacadeed, dugsiyo, Xarumaha agoomada,danyarta, tababarad xirfadaha, dhaqan celinta dhalinyarada,taageerida nadaafad iyo howl gabka. Waxaa lagu qiyiaasaa marka la isku daro inta ka ah saamileyda, Shaqaalaha tooska iyo shaqaalaha dadban, in shirkadda Hormuud ay ku nool yihiin dad gaaraya ilaa iyio 150 kun oo qof ama (20 kun oo qoys oo ka kooban 7 qof qoyskiiba).
Shirkadda macaamiisheeda waxaa ka mid ah UNDP, UNPOS, AMISOM, AU,IGAD, TFG,TFP,OIC, Arab League, Turkish Embassy, Ethiopian Embassy, Libyan Embassy,Egyptian Embassy,Sudan Embassy, Djibouti Embassy iyo dhamaan hay’adaha caalamiga ah eek u sugan meel kasta oo aan khad ku leenahay.
Maanta oo ay taariikhdu tahay Bisha May 24, 2012, ayaa xukuumaddu waxay soo saartay Go’aan ay ku baaqeyso baaritaan dheer kadib in dhamaan eedihii loo soo jeediyey shirkadda Hormuud ay noqdeen eedo aan run aheyn. Sidaasi darteedna, Goluhu wuxuu caalamka ugu baaqay in eedehaas dib looga fiirsado, si deg deg ahha looga laabto.




garable.com muxudin diini fiidow