GUDDOOMIYAHA SH/HOOSE OO UGU BAAQAY SHACABKA KU NOOL GOBOLKAASI INAY LA DAGAALAMAAN AL-SHABAAB

Guddoomiyaha Gobolka Sh/hoose ee Dowladda Soomaaliya C/qaadir Sheekh Maxamed Nuur oo la hadlay Idaacadda Risaala ee Magaalada Muqdisho ayaa wuxuu ugu baaqay Shacabka ku dhaqan gobolkaasi Shabeellaha hoose inay la dagaalamaan ururka Al-Shabaab.

Wuxuu sheegay in ururka Al-Shabaab laga soo ceyriyey oo ay isaga soo bexeen degmooyin iyo deegaanno badan oo ka tirsan qaar ka mid ah gobollada Dalka Soomaaliya.

C/qaadir Sheekh Maxamed Nuur guddoomiyaha gobolka Sh/hoose wuxuu hadalkiisa intaa ku daray in Al-Shabaab ay il jilicsan ka heleen gobolka uu guddoomiyaha ka yahay ee Sh/hoose taasoo uu sheegay in Al-Shabaab abaal marintoodu ay tahay in lala dagaalamo.

Guddoomiyaha gobolka Sh/hoose wuxuu tilmaamay in Ciidamada Dowladda iyo kuwa AMISOM ay ku wajahan yihiin gobolkaasi islamarkaana shacabka Soomaaliyeed ee ku dhaqan Shabeellaha hoose ay qoryaha qaataan oo ay la dagaalamaan Al-Shabaab, iyaguna ay taageerayaan oo ay garabtaagan yihiin sida uu sheegay.

Hadalkan ayaa wuxuu soo baxay waxyar kaddib markii maalintii Shalay qaar ka mid ah dadka ku dhaqan Sh/hoose uu dagaal ku dhexmaray gobolkaasi kaa oo u dhexeeyey ururka Al-Shabaab iyo qaar ka mid ah dadka deegaanka, kaddib markii dadkaasi la dagaalamay Al-Shabaab ay sheegeen in beero ay lahaayeen ay xugmiyeen Al-Shabaab oo ay siiyeen dad kale. 

garable.com

muxudin diini fiidow

DOWLADDA ETHIOPIA OO SHEEGTAY IN CIIDAMADEEDA AY SII JOOGI DOONAAN SOOMAALIYA

Ra'iisul wasaaraha Ethiopia Meles Zenawi ayaa sheegay in ciidamadiisa ku sugan koonfurta Soomaaliya ay sii joogi doonaan halkaas si ay u xoojiyaan dagaalka lagula jiro ururka Al-Shabaab.

Ra'iisul wasaaraha ayaa saxaafadda u sheegay in la kordhin doono Ciidamada Ethiopia ee hadda ku sugan gobollada dalka qaar, wuxuu sheegay inay diyaariyeen ciidamo awood u leh Al-Shabaab inay ka saaraan deeganada kale ee hadda ay kaga harsan yihiin koonfurta Soomaaliya.

“Waxaa naga go'an in si xowli ah aan ula dagaalanno Al-Shabaab oo hadda ku sugan koonfurta iyo bartamaha Soomaaliya" ayuu yiri Ra'iisul wasaaraha Ethiopia.

Ra'iisul wasaaraha ayaa sheegay in si weyn hadda looga guuleystay dagaalka lagula jiro Al-Shabaab sida uu hadalka uu dhigay.

Ra'iisul wasaare Zenawi ayaa sheegay in howlgalka labaad ay ka sameen doonaan magaalada Kismaayo ee xatunta gobolka Jubada Hoose halkaas oo ay ku xooggan yihiin Al-Shabaab, wuxuu sheegay in si dhaqsi ay ula wareegi doonaan Magaalada Kismaayo sida uu sheegay.

Wuxuu sheegay in bishii la soo dhaafay Ciidamada ay u direen Soomaaliya ay Al-Shabaab ku qasbeen inay u cararaan deegannada Puntland sida hadalka u dhigay.

Ciidamada Ethiopia meelaha ay hadda joogaan waxaa ka mid ah Magaalooyinka Baladweyne iyo Baydhabo, halkaas oo ay ku xoogganaayeen ururka Al-Shabaab.

garable.com

muxudin diini fiidow

DKMG iyo AMISOM oo duulaan ku qaaday Ceelasha-biyaha iyo Afgooye

Arroornimadii hore ee saakay ayaa Ciidamo ka tirsan kuwa dowladda KMG Soomaaliya iyo AMISOM waxa ay duulaan ku qaadeen deegaannada loo barakacay iyo degmada Afgooye oo ay gacanta ku hayaan AL Shabaab. 
Waxa la sheegay in Ciidamada iyagoo wata gaadiidka Gaashaaman ay la wareegeen deegaanno ay ku sugnaayeen Al Shabaab ee duleedka Dayniile gaar ahaan dhinaca xigta Ceelasha biyaha iyo Afgooye sida ay xaqiijinayaaan dadka deegaanka ah.
Ciidamada ayaa la sheegay in iyaga oo ku guda jira howlgalka ay ka yirmaadeen Ciidamo ka tirsan Al Shabaab islamarkaaana hadda la maqlayo rasaas iyo Madaafiic ay is weedaarsanayaan dhinacyadaasi.
Saraakiil ka tirsan Ciidamada dowladda KMG ah ayaa sheegay in howlgalka uu socdo islamarkaana qorshahoodu uu yahay inay la wareegeen duleedka Muqdisho iyo degmada Afgooye oo ay gacanta ku hayaan Kooxda Al Shabaab
garable.com
muxudin diini fiidow

Khilaaf xoogan oo soo kala dhexgalay Daahir Rayaale iyo ku xigeenkiisa Axmed Yuusuf Yaasiin oo gaaray heer

Maxkamadda sare ee maamulka Somaliland  ayaa shalay gudagashay dhageysiga dacwad xasaasi ah oo u dhexaysa laba garab oo xisbiga mucaaradka ah ee Udub ee ay kala hogaaminayaan Madaxweynihii hore ee Somaliland Daahir Rayale Kaahin iyo Madaxweyne ku xigeenkiisii Axmed Yuusuf Yaasiin.
Dacwadda oo salka ku heysa hogaaminta xisbigaas ayaa waxay ka dhalatay muran ku saabsan murashaxnimada Madaxweynenimo ee xisbiga Udub ee doorashooyinka soo socda, taas oo garab ka mid ah uu soo sharaxay xubin aan horay xisbiga uga mid aheyn, balse ah aqoonyahan si weyn looga yaqaano Soomaaliya oo lagu magacaabo Jamaal Cali Xuseen, halka garabka kalena ay sheegeen in cid aan xubin ka aheyn xisbiga aan la sharixi karin.
Dacwaddan oo uu u gudbiyay Maxkamadda Guddoomiye ku xigeenka xisbigaasi, ahna Madaxweyne ku xigeenkii hore Axmed Yuusuf Yaasiin waxa furitaankeeda gudoominayay guddoomiyaha Maxkamadda sare ahna Maxkamadda Distooriga garyaqaan Yuusuf Ismaaciil Cali.
Dhegaysiga dacwadda waxa ka qeybgalay guddoomiyaha Udub ahna Madaxweynihii hore ee maamulka Somaliland Daahir Rayaale Kaahin iyo ku xigeenkiisa Axmed Yuusuf Yaasiin oo marka hore dacwadda gudbiyay, iyadoo ay dacwaddu socotay saacado badan, inkastoo aan la sheegin inay wax ka soo baxeen iyo in kale.
Guddoomiyaha Maxkamadda sare Yuusuf Ismaaciil Cali oo gunaanadkii hadal kooban jeediyay ayaa waxa uu sheegay inay si dhakhso ah go’aan uga soo saari doonaan dacwaddan u dhexaysa labada garab ee xisbiga Udub u qeybsamay.
Wasiirkii hore ee Duulista Hawada Somaliland Cali Maxamed Warancadde oo hami kaga jiro murashaxnimada xisbigaas oo u hadlay garabka Daahir Rayaale iyo wasiirkii hore ee Ganacsiga Abiib Xasan Filfil oo isna u hadlay garabka Axmed Yuusuf Yaasiin oo markii dhegaysigu xirmay warbaahinta u waramay ayaa waxay sheegeen inay rajo fiican ka qabaan go’aanka Maxkamadda, sidoo kale waxay balanqaadeen inay tixgelin doonaan go’aanka Maxkamaddu ka soosaarto khilaafka xisbiga kala qaybiyey
garable.com
muxudin diini fiidow

Maamulka Puntland oo ka soo horjeestay hadal ka soo yeeray dowladda KMG oo ku saabsan

Wasiir ka tirsan dowladda KMG ayaa sheegay in dowladda KMG ay waafaqsantahay dhammaan heshiisyaddii caalami ahaa ee ay gashay dowladdii hore ee Soomaaliya, waxaana ka mid ah heshiiskii ceelka shidaalka ee Shabeel ee lala galay shirkadda shidaalka qaranka Talyaaniga ee Eni.
Cabdullaahi Dool waa wasiir ku xigeenka macdanta iyo biyaha Xukuumadda KMG Soomaaliya ayaa sheegay in dowladdiisu ku dhaqmeyso heshiisyadii ay horay u gashay dowladdii dhexe ee Soomaaliya ee uu Madaxweynaha ka ahaa Gen. Maxamed Siyaad Barre, gaar ahaan heshiisyadii lala galay shirkadaha shidaalka baara ee dalalka reergalbeedka, wuxuuna intaasi ku daray inay tixgelinayaan dhammaan shirkadihii la siiyey qandaraasyada dalka Soomaliya ee sababaha ammaan darro uga baaqdsaday inay howshooda sii wataan ka dib burburkii ku yimid dowladdii dhexe ee Soomaaliya.
“Ma dooneyno inaan hadda ku murano annaga iyo Puntland wax dhulka hoostiisa ku jira, marka hore hala soo saaro shidaalka, kolkaasi ayuu wadahadalka rasmiha ah bilaabanayaan, midna maanka ku hay, markasta dowladda dhexe ayaa leh awoodda oo dhan, balse dowlad goboleedyada markasta waxay leeyihiin qeybtooda iyo saamigooda” ayuu yiri wasiir ku xigeenka Madacdanta iyo biyaha Xukuumadda KMG Soomaaliya.
Wasiirka oo la weeydiiyey in dowladda KMG ay wax war ka heshay shirkadda Eni ayaa ku jawaabay inaysan weli la soo xiriirin, iyaguna aysan sidoo kale xiriir la sameynin, laakiin ay raacayaan sharcigii hore ee dalka u yaalay, kana midyahay heshiiskii shirkadda Eni ay shidaalka kaga qodi laheyd ceelka shidaal ee dooxada Dharoor, kaasoo la saxiixay 1980-meeyaddii.
Dhinaca kale hadalka ka soo yeeray Xukuumadda KMG ayaa waxaa ka horyimid maamulka Puntland oo sheegay inaysan aqbalaynin in dowladda dhexe ay yeelatao awood ay ku bixiso ruqsadaha shidaalka Puntland looga soo saarayo.
garable.com
muxudin diini fiidow