FAAH FAAHIN KUMUU AHAA NINKII BAYDHABO LAGU DILEY MAXAANA LOO DILEY

Allaha u naxriistee waxaa magaalada Baydhabo lagu diley nin lagu sheegey magaciisa Aadan Xaydar oo ahaa Dulaal laakiin hada dhow uu mas’uul ka noqdey Xafaada Berdaale dhinaca Dowlada kadib markii ay kulan la qaateen saraakiisha ethiopia oo la isku afgartey in xaafad kasta la huben doono si ay isaga difaacaan al shabaab iyo wixii la mid ah. Marxuumkaan la diley Aadan Xaydar ayaa la sheegey in loo xil saarey soo xulitaanka dhalinyeradii xaafadaasi waardaye ka noqon laheyd wuxuuna maal mahaanba xiriir la lahaa ayaa la yiri Saraakiisha ethiopian-ka iyo Maamulka gobolka Baay oo arimahaasi lagala tashanayey ka hor inta aan la qaarijinin marxuumka. Rasmi ahaan waxaa lagu diley Marxuumka Inta udhaxeysa isgoyska boqoleyda iyo Masaakidka Al Raxma waxaana la sheegey in dilkaan ay geysteen koox afka soo suubtey oo la garan waayey waxa ay yihiin kuwaas markii ay dileena ka baxsadey goobtii dilka ka dhacey. Dableyda Falka Dilka ah geysatey oo tiradooda lagu sheegey 2 ruux ayaa waxy u baxsadeen dhinaca Xaafada Buula uusley sida uu goob jooge Magaciisa Qariyey Usheegey WAAJIDPRESS Iyo BANA oo la xiriirtey. Askar ka tirsan dowlada iyo Kuwa Ethiopia ayaa durbaba waxay soo dhoobteen halkii uu dilka ka dhacey kuwaasoo bilaabey iney baaraan Xaafadihii ka ag dhowaa meesha uu dilka ka dhacey. Maxamed Cali Atoosh ayaa saaka wuxuu sheegey inayomc soo qab qabteen oo ay gacanta kusoo dhigeen ragii Baydhabo ka geysan jirey falalka Dilka ah laakiin saacad kadib ayaa waxaa isla magaaladaasi ka dhacey falkaan dilka ah taasoo beenineysa in lasoo qabtey ragii dilalka geysan jirey Baydhabo



garable.