Deg deg:Dagaal-yahano Gurmad u Ahaa shabaab oo Caawa Lagu duqeeyay Gobolka Jubbada Hoose

Wararka caawa naga soo gaaraya gobolka Jubbada Hoose ayaa sheegaya in duqeyn ay ka dhacday deegaanka Janaay Cabdalle oo u dhexeeya Afmadow iyo Kismaayo halkaasoo la sheegayo in diyaarado dagaal ay gantaalo ku rideen.

Dad ku sugan magaalada Kismaayo oo aan rabin la magacaabo ayaa sheegay in ciidan gurmad ah oo Al-Shabaabka soo direen magaalada Kismaayo kuna sii jeeda dhanka Afmadow oo maanta laga qabsaday la duqeeyay. Ciidanka Al-Shabaab ayaa watay gaadiidka dagaalka noocyadiisa kala duwan ayaa galabta ka soo dhaqaaqay magaalada Kismaayo.
Dadka deegaanka ayaa sheegaya in dhawaqa qaraxyo waaweyn la maqayey illaa caawa iyadoo ciidamada Shabaabkuna ay hubka lidka diyaaradaha hawada u tuurayeen.
Sida dadka deegaanka ay sheegayaan welima cadda khasaaraha ka dhashay duqeynta caawa maqribkii ka dhacday deegaanka Janaayo Cabdalle oo qiyaastii illaa 50-km u jira Kismaayo.
Ilo wareedyo ayaa sheegaya in diyaaradaha duqeynta geystay ayahaayeen labo diyaaradood oo ciidamada Kenya ay leeyihiin kuwaasoo dhanka deegaanada Xeebta ee gobolka ka imaanayey markii ay gantaalada la dheceen deegaanka Janaay Cabdalle.
Ciidamada Kenya iyo kuwa DKMG Soomaaliya oo ay wehlinayaan maleeshiyaadka Raskambooni ayaa maanta la wareegay degmada Afmadow oo ah degmada labaad ee ugu weyn gobolka Jubbada Hoose taasoo 180-km u jirta magaalada Kismaayo ee xarunta gobolka Jubbada Hoose. garable.com
muxudin diini fiidow

Caqabad soo food saartay qodista shidaalka Puntland

Shirkada Range Resouces ayaa u muuqato in ay soo afjarayso howlihii maal gashigeedii iyo sahaminta shidaalka ay ka waday deegaamada Puntland.
Peter Landau ayaa sheegaya in Range Resources qorsheyneyso  in ay u wareegeyso Trinidad iyo Colombia. Isagana baxdo howsha shidaal sahmin ee ay ka wado Puntland.
Madaxa shirkadda Range Resources, oo la hadlayey ganacsato ka tirsan Suuqa Ganacsiga Australia (ASX) oo uu kula kulmay Hong Kong ayuu u sheegay in shirkadiisu maal gashigeeda ka wareejineyso Puntland, islamarkaasna xoogeeda isu geyneyso shidaal sahaminta dalalka Trinidad iyo Colombia, sidaas waxaa Arbacadii May 30, 2012 qortay jariidada The Australian.
Mr. Landau waxa uu yiri “Waxaan aragnay in aan qiimayn la siinayn Trinidad sababtoo xoogga ay Range Resources saartay Puntland. Sidaas daraadeed aan ka baxno Puntland (aan meesha ka saarno Puntland), oo markaas maalgashadayaasha Range aan siino saamiyada (free stock), islamarkaasna aan diiwaan gaar ah uga samaynayno suuqa ganacsiga London.”

• “What we’ve seen is Trinidad doesn’t get valued because all the punters trade Range on Puntland. So let’s take Puntland out, give (Range investors) the free stock, and have a separate AIM-listed stock,” he said.

Range Resources waxay Puntland markii ugu horesey timid sannadkii 2005. kolkaas oo uu Puntland ku soo dhoweeyey Gen. Cade Muuse Xirsi.
Jariidadda The Australia waxay sheegtay in shirkadda Range Resources ay saami wadaag xagga sahaminta Shidaalka Puntland kula jirto shirkaddaha kale Horn Petroleum iyo Red Emperor Resources kuwaas oo shidaal qodis ka wada Puntland.
Waxaa durbadiiba shalay (May 30, 2012) hoos u dhacay (-8.33%) samiyadda shirkadda Range Resources ee Suuqa Ganacsiga ee Australia (ASX).
Hadalkan kasoo baxay shirkada ayaa niyad jab ku noqon kara malaayiin Soomaali ah, oo mar un doonayey inay markhaati ka noqdaan Soomalia oo heshay Shidaal looga baxo gaajada, macluusha, iyo colaadaha 22 Somalia soo daashatay waxaan kahelnay warkaan cabdraxin saciid xeele oo uk jooga garable.com muxudin diini fiidow

Cutubyadii Ugu Horeeyay Ciidamo Ka Socda Dalka Jabuuti Oo Saakay Tegaya Beledweyne

Cutubyadii ugu horeeyay ciidamo ka socda dowladda dalka Jabuuti ayaa lagu wadaa in ay saakay ka degaan magaalada Beledweyne, kadib kulan magaalada ku dhaxmaray saraakiisha dowladda Itoobiya iyo kuwa Jabuuti.
Garoonka diyaaradaha magaalada Beledweyne ayaa xiligan waxaa ku sugan saraakiisha maamulka gobolka Hiiraan, kuwa dowladda Itoobiya, odayaasha dhaqan-ka magaalada Beledweyne iyo waliba dad kala duwan oo u taagan soo dhaweynta ciidamada.
Guddoomiyaha degmada Beledweyne Cismaan Barre Max’ed oo warbaahinta la hadllay ayaa sheegay in ay soo dhaweynayaan ciidamada dalka Jabuuti oo sida uu hadalka u dhigay ah ciidamo shacab-ka Soomaaliyeed yihiin isku af iyo waliba Diinta.
Maalintii shalay ayaa lagu waday ciidamadan in ay ka degaan magaalada Beleweyne, hasse ahaatee mas’uuliyiinta maamulka gobolka ayaa sheegay in ay dib ugu dhaceen arrimo farsamo.
Ciidamada dalka Jabuuti oo qeyb ka ah howlgalka midowgga Africa ee AMISOM ayaa ayaa amaanka magaalada kala wareegi doona kuwa dowladda Itoobiya oo lagu wado in ay u sii dhaqaaqaan deegaannada kale ee gobollka
garable.com
muxudin diini fiidow

Prof. Cali Khaliif Galeydh oo lagula taliyey inuu noqdo Gudoomiyaha Baarlamaanka

R/wasaarihii dowladii lagu soo dhisay Carta Mudane Cali Khaliif Galeydh ayaa waxaa soo shaax baxaya inuu isku diyaarinayo inuu noqdo gudoomiyaha Baarlamaanka Somalia. 
Prof. Galeydh ayaa inuu xilkan qabto waxaa kula taliyey xildhibaano, ganacsato iyo siyaasiyiin kasoo jeeda beelaha Muqdisho, iyagoo u balan qaaday inay la garab joogsan doonaan taageero kasta.
Wararka ayaa sheegaya in R/wasaarihii hore uu arrintan soo dhoweeyey, haatana qorsheynayo inuu u tartamo xilkaas, marka la gaaro doorashada Afhayeenka Baarlamaanka Somalia oo dhici doonta dabayaaqada bisha July.
Prof. Galeydh ayaa mudooyinkan ku sugnaa caasimada Somalia ee Muqdisho, wuxuuna halkaasi ka wadaa olole ku aadan damaciisa siyaasadeed
garable.com
muxudin d.iini fiidow

Dabaal-degyo waa weyn oo Haatan dhigayaan Muqayiliinta Muqdisho”Sababtu maxay tahe

Garoonka Aadan Cade ee magaalada Muqdisho ayaa haatan waxa lagu soo waramaayaa inay kusoo dageen 3 diyaaradood oo qaad sida iyadoona arintaasi ay farxad u noqotay dhamaan muqayiliinta reer Muqdisho.
Durba waxaa boorka laga jaf jafay Kabaradii Khaatka lagu iibin jiray iyadoona aad moodo in Muqayiliinta maanta ay maalin gaar ah u tahay ka dib markii Laba maalin aanay wax Khaat ah cunin.

Ganacsatada dalka Khaatka keenta oo aynu qaarkood la xiriirnay ayaa waxay inoo sheegeen in ay is af garteen shirkadda SKA in kastoo aanay inoo sheegin in Cashuurtii ay sideedii u dhiibeen ama ay kordhiyeen.
Khaatka ayaa dalka Soomaaliya waxa uu ka yahay waxyaabo iska caadi ah, waxaana uu la degay mustaqbalka dhalinyarada Soomaaliyeed halka dalalka qaarna uu Khaatka mamnuuc ka yahay xitaa ay dhacdo in la dilo qofkii lagu arko garable.com muxudin diini fiidow

Deg deg:Shabaab oo dagaal looga saaray Afmadow”Ciidamada Huwanta oo Raacdeyste

War deg deg ah oo iminka naga soo gaaraaya degmada Afmadow ayaa soo sheegaaya in dagaalyahanada Al shabaab ay maanta halkaasi isaga baxeen.
Kadib dagaal xooggan oo saaka ka qarxay duleedka degmada Afmadow ayaa waxaa halkaasi goordhowayd gebi ahaanba faarujiyey dagalayahanada Al shabaab.
Dad kamid ah kuwa deegaanka oo aan la xairiirnay ayaa inoo xaqiijiyey ka bixitaanka Al shabaab ee degmada Afmadow, waxayna sheegeen in magaaladu ay u badan tahay mid cidlo ah.
Ciidamada Dawladda KMG ah, kuwa Raasmkaambooni iyo kuwa Kenya oo saaka duleedka degmada Afmadow dagaal xooggan kula galay Al shabaab weli masoo gaarin magaalada, hase yeeshee wararku waxay soo sheegaayaan in ay kaabiga ku hayaan, waxaana laga yaabaa in ay saacadaha soo aadan gudaha u galaan magaalada.
Inta aanay Al shabaab ka bixin degmada Afmadow ayaa waxaa gudaha degmada laga maqlay guuxa diyaaradaha dagaalka Kenya kuwaasi oo cabsi xooggan ku abuuray dagaalyahanada Al shabaab.
Degmada Afmadow inta badan waa cidlo, waxaa sidoo kale isaga barakacay dadkii deganaa oo inta badan duurka galay.
Dagaalyahanadii Al shabaab ee ka baxay degmada Afmadow ayaa u baxay dhanka magaalada Kismaayo ee xarunta gobolka Jubbada Hoose.
Degmada Afmado waa degmadii labaad oo muhiim ah taasi oo ka baxda gacanta Al shabaab marka lagu daro degmada Afgooye ee gobolka Shabeellaha Hoose

garable.com muxudin diini fiidow                                

Timo-jarayaal iyo Dadka cadayada iibiya oo xabsi laga buuxiyay iyadoo loo haysto qaraxii saakay.

Warar dheeraad ah ayaa kasoo baxaya qarax qasaaro gaystay oo saakay ciidamada amaanka lagula eegtay magaaladda Gaalkacyo dhankeeda Waqoyi.

Qaraxaas ayaa sababay dhimasho iyo dhaawac soo gaaray ciidamo katirsan kuwa amaanka.

Inta la ogyahay Afar kamid ah ciidamada amaanka ayaa geeriyootay ilaa shan kalaan dhaawacyo ayaa soo gaaray kadib markii Bambo meel loogu aasay.

Guddoomiye ku xigeenka gobolka Mudug ee maamulka Puntland, Farxaan Cali Xaad ayaa sheegay in ay ogaadeen qofkii ka danbeeyay qaraxii saakay.

Ciidamada ayaa soo bandhigay Meydka Nin aasayay waxyaabaha qarxa kaas oo ay toogteen.

‘Ciidamada waxaa ay toogteen Nin Timo jare ahaa oo aasayay miino xaafadda Garsoor’ayuu sheegay Sarkaalkan.

Howlgal ay sameeyeen ciidamada Puntland ayaa waxaa ay kusoo qabteen tobaneeyo qof oo isugu jira dadka Timojarayaasha ah iyo kuwa iibiya cadayada gudaha Magaaladda.

Dadkaas ayaa waxaa loo haystaa in ay ku lug leeyihiin qaraxyada magaaladda iyadoo saraakiisha Puntland ay sheegeen in ay baaritaano ku wadaan.
garable.com
muxudin diini fiidow

Ciidammada dowladda kuwa AMISOM oo ku wajahan Jubbooyinka

Ciidammo wadajir oo ka kala tirsan dowladda Soomaaliya iyo AMISOM ayaa saakay markii ugu horeysan ka gudbay degmda Luuqa ee gobolka Gedo, iyagoo ku sii jeeda deegaannada gobollada Baay, Bakool iyo Jubbooyinka, si ay u gabagabeeyaan malleeshiyaadka Al-Shabaab. Ciidammada dowladda Soomaaliya oo wehliyeen kuwa AMISOM ayaa markii ugu horeysay ka soo gudbay xuduudda Soomaaliya iyo Ethiopia, kuwaasi oo ka sii gudbay degmada Luuq ee  gobolka Gedo, iyagoo u kala jiheystay gobollada Jubbooyinka, Baay iyo Bakool oo ay hadda howlgallo ka socdaan, waxaana saraakiisha ciidammadaasi hoggaamineysa ay sheegaan in ay duullaan ku yihiin Al-Shabaab.
Saraakiisha ciidammada dowladda oo aan xiriir la sameynay ayaa sheegay in ay ku wajahan yihiin guud ahaan deegaannada ay Al-Qaacidda ku sugan yihiin, ciidammadaasina ay ka mid yihiin kuwii  soo afjari lahaa howlgallada Al-Qaacidda Soomaaliya  looga saarayo,  isla markaana ay saacaddaha soo socda qaadi doonaan tallaabo dhinaca howlgallada ah.
Ciidammada ka kala tirsan dowladda Soomaaliya iyo AMISOM ayaa wata dabaabaadka dagaalka, waxaana waddooyinka degmada Luuqa ka baxa saakay buux dhaafiyay ciidammadaasii oo dhulka ku lugeynaya iyo kuwa gadiidka dagaal oo ay ku jiraan Taanhiyo wata.
garable,com muxudin diini fiidow

Deg deg:Dagaal Culus oo Xiligaan kasocda Duleedka Afmadow”Shacabka oo Barakacaya

Sida ay shegayaan wararka aan xiligaan kahelaayo Duleedka Magaalada Afmadow ayaa shegaya in Dagaalo xoogan haatan oo kaqarxay kasoo udhaxeeyo Ciidamada dowlada soomaaliya oo kabayaan kuwa Raaskambooni iyo kenya waliba xarakada shabaab wuxuuna dagaalkan daba socdaa kii shalay.

Dagaalkan oo ah mid aad u culus aya alaga maqlayaa guud ahaan degaanka ayadoo Ciidamada huwanta ku dooneyso in kula wareegto Degmada Afmadow iyo gobolada jubooyinka oo haatan qeybo oga suganyihin shabaab mujaahidiin oo aad u xoog badan.
Daryanka Madaafiicda labada dhinac isdhaafsanayaan ayaa laga maqlayaa gudaha Degmada iyadoona dadka badi bilaabeen in ay ka barakacaan Afamdow ayna aadaan dhulka howdka ah si ay uga baxsadaan Dagaalka kusoo food leh Degmadaasi.
Xaalada ayaa hada ah mid kacsan labada dhinac ayaana dagaal fool ka fool ah dhaxmaraya ,iyadoona dagaalka la sheegay in mararka qaar ka qeyb qaadanyaan Diyaaradhaa Dagaalka Kenya

 

 garable.com muxudin diini fiidow

Dowladda Faransiiska oo sheegtay in shirka ka socda Magaalada Istanbul ee Dalka Turkiga uu fursad u yahay Soomaalida

wasaaradda arrimaha dibbadda wadanka Faransiiska ayaa waxay  ka soo saartay War saxaafadeed la xiriira shirka maanta ka furmaya magaalada Istanbul ee looga hadlayo arrimaha Soomaaliya.

Sdoo kale warkan Faransiiska soo saartay ayaa waxaa lagu sheegay in xukuumadda Paris ay u aragto shirka Istanbul inuu fursad u yahayxal laga gaaro dhibaatada mudada dheer ka jirtay wadanka Soomaaliya iyadoona rajaysay inay ka soo baxay natiijooyin wax ku ool ah oo muhiim ah bulshada Soomaaliyeed.

Warsaxaafadeedkan ayaa lagu sheegtay inay dadaal badan galinayso sidii shirkaan uu miro dhal u noqon shirka maanta ka furmaya wadanka Turkiga sida ku qoran war saxaafadeedka kasoo baxay wasaaradda arrimaha dibada dalka Faransiiska.

Dawlada Faransiisku ayaa waxay ugu baaqday Dhinacyada Soomaalida inay muujiyaan isku tanaasul, sidoo kale waxay wadamada taageera Soomaaliya  ay ugu baaqday inay dar dar galiyaan sidii Soomaaliya xal loogu heli lahaa

garable.com
muxudin diini fiidow

31-MAY MAALINTA JOOJINTA CABISTA SIGAARKA EE CAALAMKA

Maanta oo ay bishu tahay 31 Maajo 2012 waa maalinta loo asteeyey joojinta cabista sigaarka ee caalamka, taasoo looga gol leeyahay in bulshada caalamka lagu wacyigeliyo khatarta uu leeyahay.

Isticmaalka Tubaakada ama cabitaanka sigaarka waxay noqon kartaa : cabista sigaarka, Siigarka, Bayb-ka, Shiishadda, tubaakada la ruugo ama la calaliyo, midda daanka la gashado, iwm. Intaas oo dhan waxay keenayaan khatar caafimaad haba ku kala badnaadeene.

Guud ahaan adduunyada cabista sigaarka ama isticmaalka Tubaakada waxaa lagu qiyaasaa 1.45 bilyan qof iney isticmaasho maanta. Ku dhawaad Hal bilyan (80%) waxay ku nool yihiin waddamada soo koraya.

Cabista sigaarka wuxuu ku badan yahay ragga qiyaastii shan jeer in ka badan haweenka.

Cabista sigaarka wuxuu sababaa dhimasho degdeg ah ama cimri gaabad, waxaana la sheegaa in sanad walba ay u dhintaan sigaar cabista qiyaas dhan 6 milyan oo qof, in ka

badan 5 milyan waa dadka caba sigaarka iyo kuwii horey u cabi jiray, halka Lix boqol Kun ay yihiin dadka si dadban ku caba sigaarka (second-hand smoke).

Cabista sigaarka waxaa la socda 12 maaddo oo kiimiko ah oo dhalin kara cudurka kansarka. Waxaana ka mid ah maaddada (Tar, Arsenic , benzene , formaldehyde, carbon monoxide iyo ammonia) waxaa kalow ku jira maadada Nicotin-ka oo sababa in la qabatimo sigaarka jir ahaan iyo maskax ahaan.

Dadka sigaarka caba khatarta uu u keeno waxay ku xiran tahay waqtiga dheer ee uu isticmalayey iyo xaddiga uu ka isticmaalo.

Waxaa kaloo jirta in qofka haddii uu joojiyo isticmaalka tubaakada ama sigaarka waqti hore in khatarta cudur ee uu keenayo iney is yaraan karto.

CABISTA SIGAARKA IYO SAAMEYNTA CAAFIMAADKA UU KU LEEYAHAY

Cabista sigaarka wuxuu sababaa 25 cudur waxaa ka mid ah kuwa ku dhaca wadnaha iyo xididdada 20-30% (Heart attack and Stroke), wuxuu kaloo sababaa cudurada sambabka ku dhaca sida Chronic Obstructive Pulmonary Disease (COPD), sambabka oo weynaada ama adkaada (Emphysema), Chronic Bronchites; wuxuu kaloo sababaa cudurka kansarka ku dhaca sambabka 30-35 %. Kansarka Dhuunta iyo Afka (larynx and mouth), kansarka ku dhaca hunguri-wadeenka (Esophagus), Pancreas-ka, Caloosha, Beerka, Xameytida, Xiidmaha, Kaadi-heysta, Qabsinada, Ilma galeenka. Wuxuu kaloo keenaa dhalma la'aanta ragga iyo haweenka.

Wuxuu kaloo caawiyaa cudurka gastritis wuxuuna badiyaa laabjeexa joogtada (GERD), wuxuu kaloo dahiyaa bogsashadda boog calooleydka (Peptic Ulcer).

Sidoo kale haweenka caba sigaarka ee da’doodu ka weyn tahay 40 sanno wuxuu u keeni karaa in si sahlan ay ku jabaan marka loo fiiriyo kuwa aan sigaarka cabin.

Sidoo kale sigaarka wuxuu yareeyaa dhumaca xididdada dhiigga u qaada jirka intiisa kale taasoo keeni karta in si waafi ah u gaari waayo dhiiggii ay u baahnaayeen.

Waxaa xusid mudan in 85% uu ragga ku keeno Caniinimo ama ragannimada uu waayo. Haweenka uurka leh wuxuu ku keenaa in ay ilmihii dhiciso ama ay dhasho ilmo miisaan hoose ama neefqabad qaba (asphyxia) ama u horseeda dhimasho kedis ah (sudden death).

Dhalinyarada da’dooda ka yartay 20 sanno, waxey 3 jeer ka badan yihiin kuwa da’doodu ka weyn tahay 20 sanno dhinaca dhimashada daga daga ah.

Xagga maskaxda wuxuu horseedaa hurdadoo yaraata, degganaansho la'aan iyo qeybta fikirka iyo xusuusta oo hoos u dhaca taasoo ka timid xididdada masakaxda oo adkaada (Arteriosclerosis). Wuxuu kaloo isbeddel ku sameeyaa dabciga iyo la dhaqanka bulshada isagoo had iyo jeer acsaabtiisa kacsan tahay.

Cabista sigaarka waxay waxyeelo u geysataa Aragga Indhaha ,Maqalka dhagaha iyo Maqaarka sidoo kale wuxuu wax yeelo u geystaa dibnaha, ciridka iyo ilkaha.

Khatarta kale ee sigaar-cabistu waa qofka ka ag dhow meesha lagu cabayo (second-hand smoke) oo neefsanaaya ama qaadanaaya qiiqa sigaarka agagaarkiisa lagu cabaayo, kaasoo la sheegay in khatartii cuduradii la soo sheegay ay ku dhici karaan qiyaas dhan 25-30%.

Bulshada Soomaaliyeed 20kii sano ee u dambeysay oo burburka, dagaalada iyo barakaca ay jireen waxaa si xaddi leh u kordhay tirada sigaarka cabta gaar ahaan dhalinyarada da'da yar. Waxaa kaloo kordhay dadka Shiishadda isticmaala dhalinyaro & dad waaweyn, rag & haweenba leh, waxayna ku keeni kartaa mustaqbalka dhibaato weyn oo dhanka caafimaadka ah.

BAAQ

Waxaan dhammaan bulshada Soomaaliyeed ugu baaqayaa meel kastoo ay joogaan iney ka fogaadaan cabista sigaarka bacdamaa diinteenna Islaamka aysan oggoleyn in nafta la tahluukeeyo; iyo weliba waxyeellada caafimaadka aan kor ku soo xusnay uu keenayo.

Mahadsanidin

Prof. Osman M. Dufle

DAAWO SAWIRADDA RA'IISUL WASAARAHA SOOMAALIYA OO ODAYAASHA DHAQANKA KULA HADLAY ISTANBUUL

Halkaan Ka Daawo Sawirada Ra'iisul wasaare C/wali Maxamed Cali Gaas oo ka hadlay Shirka odayaasha dhaqanka.
Sidoo kalena booqday goobo taariikhi ah oo ku yaala dalkaasi Turkiga.
garable.com
muxudin diini fiidow

SHIRKII ODAYASHA DHAQAN UGA SOCDAY TURKIGA OO LA SOO GABOGABEEYAY & WARMURTIYEED KA SOO BAXAY

Kulankan oo socday Muddo Afar maalmood ah ayna ka qeyb galeen Odayaasha Dhaqanka Soomaaliyeed iyo Bulshada rayidka ayaa xalay waxaa lagu soo gaba gabeeyay Magaalada Istanbuul ee dalkaasi Turkiga.
Gabagabada Shirka ayaa waxaa laga soo saaray warmurtiyadeed si wadajir ah uga soobaxay dhammaan ka qeyb galayaashii Shirkaasi.

Mahad Salaad Maxamed oo ka mid ah dadka ka qeyb galaya shirka Istanbul ayaa garable.com u sheegay Shirka inuu soo dhamaaday qodobo muhiim ahna ay ka soo bexeen.

Wuxuu sheegay in shirka Odayaasha dhaqanka iyo arrimaha bulshada intii uu socday la isku soo hadal qaaday horumarinta dhaqaalaha sidoo kale in meel wanaagsan laga maro dhanka dib u heshiisiinta iyo arrimaha dastuurka islamarkaana ay isku afgarteen dhammaan ka qeyb galayaashii shirka.

Sidoo kale waxyaabaha laga wada hadlay shirka Istanbul kana mid ahaa warmurtiyadeedka lasoo saaray waxaa ku jiray arrimaha ammaanka oo la isku afgartay in si buuxda dowladda ay wax uga qabato islamarkaana ciidamada ku sugan xuduudaha dalka Soomaaliya ee safka hore ay ilaaliyaan oo ay xushmeeyaan qaraarkii tirsigiisu ahaa 1725 kaas oo kasoo baxay Qaramada Midoobay 2006 islamarkaana dhigayay in ciidamada Safka hore aysan hab Milatari ahaan u gali karin gudaha Soomaaliya Ciidamadaasna ay dib uga laabtaan.

Wuxuu sheegay in waxyaabaha kale oo qodobkaas ammaanka looga hadlay ay ka mid ahaayeen in Ciidamada hadda jooga Soomaaliya ee AMISOM lagu badalo ciidamo ka socda QM, laguna soo siyaadiyo Ciidamo ka socda wadamada Islaamka hoggaankoodana ay uu qabto dal Islaam ah
garable.com
muxudin diini fiidow

Xog Muhiim Ah Mid Ka Mid Ah Wasiirada Somaliland Oo Loo Diiday Visaha Dal Ku Galka Turkiga Sababto Maxay Tahay

Sida aad uga barateen shabakada caalamiga ah ee Allbanaadir.com in ay idin soo gudbiso siraha qarsoon Ee ka jirta saaxada siyaasada Somaliya, hayeeshee waxaa goordhow ina soo gaaray xog ay heshay Shabakada Caalamiga ah ee Allbanaadir.com

Mid ka mid ah Wasiiraddii ka socotay Maamulka Somaliland ee la doonayay inay ka qeb-galaan shirka ka Soconaya magaalada Istanbul ayaa waxaa si lama filaan ah loogu diiday Wasiirkaa in la siiyo Visaha dalka Galka Turkiga

Sida ay sheegayaan ilo-wareedyo lagu kalsoonaan karo ee ku sugan Magaalada Barbara ayaa sheegaya In galabta loo diiday Wasiir Xaabsade Visaha Turkiga uu ku tagi lahaa, Wasiirkan loo diiday Visaha ayaa Lagu magacaabaa Axmed Cabdi Xaabsade waxaana uu ku magacaaban yahay Wasiirka Howlaha Guud ee Somaliland

Diidmada loo diiday Wasiir Xaabsade Visaha ayaa loo sababeynayaa in uu Wasiirka uu la soo baxay kolkii Ay soo dhawaatay amabixiisii uu u amabaxayay Dalka Turkiga Baasaboor ku ay ku qorneyd magaca Jumhuuriyada Somaliland waxaana lagu yiri Jamhuuriyaddan mustaqbal soo socota xaga inoo dhig ee Baasaboor Somali ayaan Visa kuu saaraynaa si aad u tagto oo aad u gaarto Dalka Turkiga

Wasiirka Howlaha Guud ee Somaliland Mudane Axmed Cabdi Xaabsade markii ay mashaqadaa qabsatay Waxaa la socday oo safarkiisa ku wehlinayay labo kamid ah Wasiirada Somalialnd ay u xilsaartay in shirka Ka furmaya Istanbul ay ka qeyb-galaan Wasiirada la socda Mudane Xaabsade waxaa ka mid ahaa Wasiirka Arimaha Dibadda Somaliland Dr.Maxamed Cabdullaahi Cumar iyo Wasiirka Qor-sheynta Somaliland Mudane Sacad Cali Shire

Hayeeshee waxaa safarkii ka baaqsaday oo loo diiday Visihii uu ku tagi lahaa Mudane Xaabsade Dalka Turkiga waxaase galabta u amabaxay Dalka Turkiga Wasiirada Arimaha Dibadda Dr. Maxamaed Cabdullaahi Cumar iyo Wasiirka Qor-sheynta Somaliland Sacad Cali Shire waxaana la sheegayaa Wasiiradan u kicitimay Dalka Turkiga in ay wataan Baasabooro Ajaanib ah sidaana lagu siiyay Visaha dalka Ku galka Turkiga

Hasa-ahaatee tallaabada Mudane Xaabsade kaga baaqday takitaanka Turkiga loona diiday Visaha ayaa Noqotay mid dadka Somaliland ku dhaqani ay hadal hayaan dhammaan Su'aalo badana iska weydiinayaan Gaar ahaan shaki laga qabo meeqaamka ay Somaliland ku leedahay shirka Istanbul iyadoona maamulka Somaliland kal hore shaaciyeen in ka qeyb-galka Somaliland ay meeqaam sare ka heleyso shirka Istanbul Haddana tan galabta dhacday ayaa dadyoowga Somaliland ku abuurtay shaki hor leh oo ay ka qabaan Madax-banaanidooda


Isku soo wada duub Shirkii kal hore ka furmay magaalada London ee Dalka Ingiriiska loogana hadlayay Arimaha Somaliya ayaa wafuudii ka socotay maamulka Somaliland uga qeyb-galeysay shirkii London ayaa Waxaa ka mid ahaa Wasiirka howlaha guud ee Somaliland Mudane Axmed Cabdi Xaabsade isagoona Shirkaasi ku yimid Visa loo saaray Baasaboor Somali ah
garable.com
muxudin diini fiidow

DEG DEG: Al Shabaab oo Magaalada Kismaayo ku soo bandhigtay dagaal-yahano Ajaaniib ah oo aad u hubeysan

Xarakada Al Shabaab ayaa waxay goor dhaw ay Magaalada Kismaayo ee Gobolka Jubbada Hoose, ay ku soo bandhigtay boqolaal dagaal-yahano ah, oo intoodu badan u dhashay dalalka Qaaradda Afrika ku yaalla.
Dagaal-yahanada ay Xarkaada Al Shabaab ku soo bandhigtay Magaalada Kismaayo, ayaa waxaa qeyb ka ah dagaal-yahano Soomaali ah, kuwaa oo galabta si weyn loogu arkaayo gees ka gees Magaalada Kismaayo.
Waxay ku hubeysan yihiin noocyada kala duwan ee hubka, waxayna xiran yihiin hal dareys oo isu mid ah, isla-markaana waxay gawaari ay ku soo marayaan wadooyinka iyo xaafadaha ku yaalla Magaalada Kismaayo, iyadoo mar uun ay galabta ku soo baraarugeyn reer Kismaayo.
Gawaarida ay saaran yihiin dagaal-yahanadaan ayaa waxaa ku xiran hubka cul culus sida, qoriga weyn ee loo-yaqaano Zuuga, Jiibta iyo Taranta Sataha, oo ay Soomaalidu u taqaano lidka diyuuradaha.
Dagaal-yahanada Ajaaniibta ah ee Xarakada Al Shabaab oo lagu yaqaano inay indhaha soo duubtaan, ayaan galabta soo duuban, waxayna si caadi ah ay ugu gaaf-wareegayaan Magaalada Kismaayo, iyadoo dadkuna ay caadi ah u daawanayaan.
Shacabka ku dhaqan Magaalada Kismaayo ayaa waxay galabta indhaha la-raacayaan dagaal-yahanada sida weyn leh u hubeysan, ee ay maanta Xarakada Al Shabaab ku soo bandhigeyso Magaalada Kismaayo ee Xaruunta Gobolka Jubbada Hoose.
Amuurtaan ayaa waxay shacabka reer Kismaayo ay ugu magac-dareyn dhawlo tus milatari, oo aanu horey loo-sii shaacin, iyadoo Xarakada Al Shabaab jawaab uga dhigeyso duqeymaha cul culus ee lagu garaacaayo Magaalada Kismaayo.
Sheekh Xasan Yacquub Cali oo ka tirsan Saraakiisha Xarakada Al Shabaab ee Gobolada Jubbooyinka, ayaa saakay Idaacada Andulus ee Magaalada Kismaayo ka sheegay inay diyaariyeen ciidamo xoogan, oo ilaalinaaya xeebta iyo dekadda ee Magaalada Kismaayo, isagoo sidoo kale sheegay inay la-dagaalami doonaan maraakiibta shisheeye ee duqeymaha ku haaya Magaalada Kismaayo

garable.com
muxudin diini fiidow

Madaxweyne Obama oo Saxiixay in la duqeeyo Wadamo ay ku jirto Somalia.

Madaxweynaha dowladda Maraykanka ayaa saxiixay qorshe lagu duqeynayo dalalka ay ku sugan yihiin Al qaacidda oo Soomaaliya ay ka mid tahay.
Madaxweynaha wadanka Maraykanka oo ka qeyb galay shirk u saabsanaa arrimaha amaanka oo ka dhacay xarunta waaxda arrimaha dibbadda dalka Maraykanka ee The Pentgon,ka ayaa waxaa uu saxiixay qorshe lagu bartilmaamaysanayo hogaanka Al-Qacida ee ku sugan wadamo ay Soomaaliya ka mid tahay iyadoo la adeegsanayo diyaaradaha duuliye la’aanta ah.
Sida lagu qoray website laga leeyahay Pentagon, ka Maraykanka Madaxweyne Obama ayaa saxiixay in la kordhiyo weerarada laga geysto wadamada Soomaaliya, Yemen iyo Pakistan si ay loo eegto hogaanka Al-Qacida ee wadamadaasi ku nool.

Madaxweyne Obama waxaa uu sheegay in guulo waa weyn laga gaaray duqeymo laga geystay dhawr wadan haddana loo baahan yahay in lasii xoojiyo.
La taliyaan dhanka amaanka ah oo uu leeyahay Madexweynaha Maraykanka ayaa u sheegay wargeyska New York Times in go’aankaan uu yahay mid la aaminsan yahay inuu dhabar jab ku noqonayo hogaamiyaasha Al-Qacida ee ku nool wadamo ay Soomaaliya ka mi tahay.
“Waxaa aad loo xoojin doonaa howlgalada laga sameyn doono Soomaaliya iyo Yemen waayo waa meelo ay hadda Al-Qacida xidido ku leedahay” waxaa sidaasi yiri Thomas Doni-lon, oo ka mid ah la taliyaasha Obama ee dhinaca amniga.
Maraykanka ayaa dhawr jeer duqeymo ka geystay dhawr wadan oo Soomaaliya ka mid tahay kuwaasi oo lagu dilay Saraakiil ka tirsanaa Al qaacidda iyo Al Shabaab
garable.com
muxudin diini fiidow

Prof. Collier: Dalalki kale waa la faaruqiyey oo markan khayraadka Afrika ayaa loo wada socdaa

London, 30-May-2012 - Daawo Prof. Paul Collier oo sheegaya in khayraadki dalalka kale oo dhan la soo faaruqiyey, haatana loo wada socdo qaaradda Afrika si loo soo rarto khayraadka dalalka Afrika.siiba somaliya oo kabuuxa yuraniyam

Isagoo ka hadlaya sida ay dunida inteeda kale ugu yaaceyso khayraadka qaaradda Afrika, Prof. Collier wuxuu leeyahay, waxaa laga soo daldalan doonaa "wax u dhigma trillions oo dollars ah dalalkan."

Prof. Collier wuxuu kamid yahay dadka la sheego inay ugu sharaf badan yihiin dalka Ingriiska ee ku jira dabaqadda CBE, waana macalin dhiga maadada dhaqaalaha, ahna Maareeyaha Xarunta Cilmi-baadhista Dhaqaalaha Afrika ee Jaamacadda University of Oxford, wuxuuna xubin ka yahay St Antony's College waxaana kahelnay cabdiraxiin sacid xeele
garable.com
muxudin diini fiidow

POOLISKA DENMARK OO SHEEGAY INAY SOO BADANAYAAN SOOMAALIDA XIRIIRKA LA LEH AL-SHABAAB EE KU NOOL DALKAASI

Kaddib markii shaley maxkamad la soo taagay labo wiil oo walaalo ah oo asal ahaan ka soo jeeda Soomaaliya, kuwaas oo lagu eedeeyay inay xiriir la lee yihiin Ururka Al-Shabaab ee ka dagaalama Soomaaliya, ayaa hey'adda ammaanka iyo kuwa sirdoonka dalkaasi waxa ay sheegayaan inay soo badananayaan dhallinta ku dhaqan dalkaas ee xiriir dhow la leh Al-Shabaab.
Madaxa hey'adda sirdoonka Denmark Jakob Scharf ayaa sheegay inta u dhaxeysay 25 ilaa 40 dhallinyaro oo ku soo tababartay Soomaaliya ama xiriir la leh Al-Shabaab inay joogaan dalka Denmark.

Wuxuu sheegay labo ka mid ah dhallinyaradaasi inay ku dhinteyn is-qarxin ka dhacay Muqdisho.

Labada wiil ee walaalaha ah ayaa ilaa hadda aan la shaacin magacyadooda, waxaana dalka Denmark ay ku noolaayeen 16-sano , waxaana ay heestaan dhalashada dalka Denmark.

Mid ka mid ah wiilasha oo da'diisu ay tahay 23- ayaa waxa la sheegay inuu ku soo tababartay xero ciidan oo Al-Shabaab ay leeyihiin oo ku taala Soomaaliya laga soo bilaabo 18-kii Febraayo ilaa 21, sida uu sheegay dacwad qaadaha Lone Damgaard waana qofkii ugu horeeyay ee dalka Denmark loogu maxkamadeeyo falal la xiriira arrimahan.

Waxa jira dhallin yaro badan oo ku biirtay Al-Shabaab kuwaas oo ay ku jiraan ajaaniib heesta khibrad kuwaas oo ka soo kala jeeda Ciraq, Afghanistan iyo Pakistan. waxaana ay ku biireyn Al-Qaeda horaantii sanadkan.

Mareykanka iyo Yurub waxa ay hadda ka cabsi qabaan dhallinyaro Soomaali soo galooti ah oo ay ka qorteyn Al-Shabaab gobalka Minnesota iyo qeybo ka mid ah dalka Britain, oo ku soo tababartay Soomaaliya inay ku soo laabtaan dalalkaasi si ay qaraxyo uga geestaan

garable.com
muxudin diini fiidow

Nin minddi isaga gooyay xubnihiisa taranka (Sawir)

Nin lagu magacaabo Pilirani Lazaro ayaa iska gooyay xubintiisa taranka dhamaanteed (Guskii iyo qoorihii) usbuucii lasoo dhaafay, waxay umuurtaasi ka dhacday dalka Mali.
Police-ka dalkaas ayaa xaqiijiyay in ninkaas la dhigay isbitaalka lagu magacaabo Kamuzu markii uu iska jaray xubintii oo dhan. Dhakhaatiirta dalkaas ayaa xaqiijiyay inaan lagu celin karin xubnihii uu ninkaasi iska jaray.
Markuu howshaas qabanayay wuxuu isku adeegsaday minddi af-badan, hadal ay Police-ku kasoo xigteen isagoo jiifa sariirta isbitaalka Kamuzu wuxuu yiri, “Waxaan dareemayaa xanuun jirkayga oo idil”.
In guska iyo qooraha la iska jaro ayaa kusoo badanaysa dalka Mali, sidaas waxaa tilmaamay afhayeenka police-ka gobolada dhexe ee dalka Mali John Namalenga.
Waxaa la caddeeyey inay xubnaha taranka iyo qaybo kale oo muhiim ah ay lacag badan ka joogaan dunida horumartay, halkaasoo looga fuliyo waxyaabaha sixirka. waxay kaloo boolisku sheegeen inay xirxireen rag kale oo damacsanaa inay xubintaas iska jaraan

garable.com
muxudin diini fiidow

Dowladda Masar oo sheegtay inay ku gacan seyrtay codsi ku saabsan Soomaaliya oo looga dalbaday

Dowladda dalka Masar ayaa sheegtay inay ku gacanseyrtay codsi loo soo jeediyey oo ku saabsan inay ciidamo u dirto Soomaaliya, iyadoo taas sabab uga dhigtay inaysan dooneynin in ciidamadeeda ay dhex geyso laba dhinac oo Muslim ah oo ay mid la safato, laakiinn taas bedelkeeda ay dooneyso inay Soomaaliya ka taageerto farsamada sida dhismaha ciidamada iyo tabaridda garsoorayaasha kala duwan.
Kaaliyaha wasiirka arrimaha dibadda Masar u qaabilsan qaaradda Afrika Muna Cumar ayaa sheegtay in loo soo jeediyey in ciidamo ka garab dagaalama kuwa dowladda KMG ay u diraan Soomaaliya, laakiin ay taasi diideen waayo ayey tiri suurtagal ma aha inay ka garab dagaalamaan ciidamada dowladda KMG oo muslim ah, isla markaasna ay la dagaalamaan kooxaha ka soo horjeeda oo iyagana muslim ah.
Muna Cumar waxay kaloo sheegtay in shirka Istanbul looga hadlayo arrimaha dalka Soomaaliya si looga hortago fiditaanka burcad badeeda Soomaalida ah iyo qataraha ay ganacsiga ku keeni karaan iyo muhaajiriinta sharci la’aanta ku socda, waxayna intaasi ku dartay in kulamo gaar ah laga yeelan doono arrimaha hormarinta Soomaaliya, dib u dhiska dhaqaalaha, biyaha korantada iyo ka hotaga faqriga iyo sidoo kale qodobo asaasi u ah nabadda Soomaaliya.
Sidoo kale Muna Cumar waxay sheegtay in shirka looga hadli doono mushikiladaha heysta dowladda KMG, sameynta dastuurka iyo xilliga kala guurka, maadaama uu qorshuhu yahay in dowladdu xilligeeda uu dhamaado 20-ka bisha August ee soo socota, ka horna la dhiso hay’adihii dastuuriga ahaa ee howsha la wareegi lahaa, waxayna haweenaysaasi intaasi ku dartay in shirka ay ka soo qeybgalayaan xubno ka socda maamulada Somaliland iyo Puntland oo si gaar ah loo casuumay, laakiin taasi macnaheedu ma ahan ayey tiri inay Soomaaliya ka madaxbanaanyihi

garable.com
muxudin diini fiidow

MADAXWEYNE SHARIIF OO DIGNIIN CULUS U DIRAY CIIDAMADA DOWLADDA EE DHACA U GEESTA SHACABKA

Madaxweynaha Dowladda Soomaaliya Shariif Sheekh Axmed ayaa sheegay in ciidamada dowladda ay sii wadayaan dagaalada ay kula jiraan Ururka Al-Shabab ilaa ay ka saarayaan Soomaaliya meelaha ay ka joogaan.
Wuxuu tilmaamay in dowladda ay adkeeyn doonto maamulada ka jira dalka si Shabaab looga saaro guud ahaan dalka Soomaaliya.

Madaxweynaha Dowladda Soomaaliya ayaa sidoo kale soo hadal qaday shirka ka dhacaya dalka Turkiga oo ay ka qeeyb galayaan dhamaan Madaxda Soomaalida wuxuu sheegay in Galmudug iyo Puntland ay meesha ka saaraan dareenka ay ka qabaan shirka islamarkaana ay wadaan dadaalo ay ku doonayaan in lagu xaliyo arrimahaasi.

Shariif Sheekh Axmed Madaxweynaha Dowladda Soomaaliya ayaa ka dhawaajiyay in askari kasta oo ka tirsan ciidamada dowladda Soomaaliya oo dhibaateeya shacabka Soomaaliyeed lagu Maxkamadeeyn doono goobta uu falkaasi dhibaatada ah ka geystay isaga oo sheegay in loo Maxkamadeeynayo qaab cadaalad ay ku dheehan tahay.

wuxuu sheegay Madaxweyne Shariif Sheekh Axmed in askarta looga baahan yahay inay sugaan ammaanka dada shacabka ah balse aan loo baahnayn inay dhac u geestaan Shacabka Soomaaliyeed

Shariif Sheekh Axmed ayaa sheegay in Shacabka ay kusoo wargeliyaan hay,adaha ammaanka askarigii dhibaato u geesta si looga qaado talaabo adag oo ku qutunta midii uu geestay

Madaxweynaha ayaa sidoo kale sheegay in xilliga soo socda ay rajaynayaan inay ku guuleestaan in guud ahaan Ururka Al-shabaab ay ka saaraan dalka Soomaaliya islamarkaana dalka ay ka dhalato nabad buuxda.

Madaxweynaha Dowladda Soomaaliya Shariif Sheekh Axmed ayaa hadalkan waxa uu ka jeediyay xilli maalintii shalay uu booqday Degmada Afgooye ee Gobalka Shabeelaha hoose

garable.com
muxudin diini fiidow

KENYA OO SHEEGTAY QARAXII KA DHACAY NAIROBI IN AY FULIYEEN LABO DUMAR

 
Pooliska Kenya ayaa sheegay in qaraxii maalin ka hor ka dhacay caasimada Kenya ee Nairobi oo ay ku dhaawacmeyn 33-qof ay fuliyeen labo dumar ah kuwaas oo u kala dhashay wadamada Turkiga iyo Germalka.
Afhayeen u hadlay Pooliska Kenya ayaa sheegay in labadaas dumarka ay kaga soo galeyn dalka Kenya dhinaca Soomaaliya.

Warar kala duwan ayaa soo baxayay oo ku saabsan qaraxa ka dhacay Nairobi, iyadoo markii hore la sheegay inuu qaraxa ka dhashay koronto cilladowday, laakin Ra'iisal wasaaraha Kenya wuxuu sheegay in uu falkaas ahaa mid argagixiso ah.

Qaraxii ayaa waxa uu ka dhacay Nairobi isniintii gaar ahaan wadada Moi Avenue oo ah mid mashquul ah.

War uu soo saaray Talaadadii shaley Afhayeenka Pooliska Kenya Eric Kiraithe ayaa sheegay qaraxa in uu ahaa mid casri ah, kuwaas oo ay wateyn dad ka soo galay Kenya soohdinta Magaalada Gaarisa.

Kenya ayaa ciidamo u soo dirtay Soomaaliya Bishii October sanadkii hore, markaas wixii ka dambeeyana waxa Kenya ay wajaheysay qaraxyo iyo dilal ay geesanayaan kooxo aan heybtooda lagaraneynin, balse Kenya ay sheegtay in ay ka tirsan yihiin Ururka Al-Shabaab.

Horaantii sanadkan, Midowga Africa waxa ay sheegeyn in la taageeri doono dowladda KMG ah, iyagoona ciidamada AMISOM oo ahaa markii hore 12,000 oo askari hadda lagaarsiiyay 18,000 waxaana ku jira ciidamada Kenya oo hadda ku sugan Koonfurta Soomaaliya.

garable.com
muxudin diini fiidow

QARAX KHASAARE GEESTAY OO KA DHACAY WAQOOYIGA GAALKACYO

Sida ay sheegayaan wararka ka imaanaya magaalada Gaalkacyo ee Gobalka Mudug qarax ayaa waxa uu ka dhacay waqooyiga magaalada Gaalkacyo.

Dad goobjoogayaal ah oo la hadlay wariyaheena garable.com Magaalada Muqdisho ayaa waxa ay sheegeen in qaraxa uu ahaa miinada nooca dhulka lagu aaso taasi oo lagu aasay xaafada Garsoor ee dhanka Waqooyi ee Magaalada Gaalkacyo ee gobalka Mudug.

Goobjoogayaasha ayaa waxa ay intaa raacinayaan in ciidamo ka tirsan Maamulka Puntland ay isku dayeen inay ka saaraan goobta miinada lagu aasay hayeeshe ay la qaraxday.

Inta laga warqabo saddex ka tirsan ciidamada Maamulka Puntland qeeybta waqooyiga Magaalada Gaalkacyo ayaa ku geeriyoodeen halka lix kamid ah ciidamadaasi ay ku dhaawacmeen.

Ka hor inta uusan qaraxa dhicin ayaa la sheegay in kooxihii goobta ku aasayay qaraxa oo gaaraya ilaa labo ruux ay israsaaseen dhexmartay waardiyaal goob ganacsi ilaalinayay halkaasina uu ku geeriyooday mid kamid ah kooxihii aasayay miinada.

Maamulka Puntland ee dhanka waqooyiga gaalkacyo oo aan la xiriirnay ayaan inoo suura galin si aan wax uga weeydiino qaraxa dhacay.

Qaraxa ayaa wuxuu dhacay aroornimadii saaka iyadoo kooxihii aasayay mid kamid ah xalay la toogtay xilliga ay ku howlanaayeen aasida waxyaabaha qarxa

garable.com
muxudin diini fiidow

Deg deg Duqeymo culus oo caawa lagu garaacay Magaalada Kismaayo

Kadib Caawa Fiidkii waxa maraakiib dagaal duqeyn culus ugeesteen Magaalada kismaayo ee gobolka Jubbada hoose waxaan alsheegay in duqeyntaan kadhacday xeebta dheer ayadoo noqoneyso midii sadaxaad mudo afar iyo labaatan saac ah.
Duqeymaha ay soo tuureyn maraakiibtaan ayaa waxaa jawaab culus ka bixiyay Ciidamadda Xarakada Al Shabaab, oo adeegsanaaya qoryaha Jiibta, Zuuga iyo mid lidka diyuuradaha ee loo-yaqaano Taran Tasataha.

Afhayeenka Ciidamadda Milatariga ee Dowladda Kenya Colnel Cyrus Oguna, oo wareysi gaar ah siiyay Idaacada VOA-DA, ayaa wuxuu qiray in duqeymaha lagu garaacay Magaalada Kismaayo ay geysteen, maraakiibta dagaalada ee Dowladda Kenya.

Caawa waxaa Magaalada Kismaayo ka jira baqdin xoog leh oo ay qabaan shacabka ku dhaqan Magaalada Kismaayo, iyadoo ay xusid mudan tahay in duqeymaha caawa aysan wax khasaaro ah weli geysan, sida wararka lagu hellaayo.
garable.com
muxudin diini fiidow

Deg deg:Madaxweyne Shariif oo Caawa Saqda dhexe kadhoofi doono Magaalada Muqdisho

Sida caawa ay xaqiijiyeen saraakiil ka tirsan madaxtooyada DKMG Soomaaliya waxaa caawa saqda dhexe kaduuli doono wafdi hogaaminaayo madaxweynaha DKMG Shariif Sheekh Axmed.
Wafdiga madaxweynaha ayaa la sheegayaa inay ka mid noqon doonaan wasiiro ay ka mid yihiin wasiirka gaashaandhigga, wasiirka dastuurka iyo saraakiil ka tirsan xafiiska madaxtooyada Villa Soomaaliya.
Wafdiga madaxweynaha ayaa Turkiga u tagay ka qeybgalka shirka arimaha Soomaaliya looga hadli doono ee ka dhacaya Turkiga 31-ka bishan Maay.
Waxaa maanta magaalada Istanbul ka degay raysul wasaare C/weli Gaas iyo Shariif Xasan oo iyaguna la sheegay inay shirka Istanbul ka qeybgali doonaan.

Sidoo kale wararka na soo gaaraya ayaa sheegaya in wakiilka Qaramada Midoobay ee Soomaaliya Augustine Mahiga uu isaguna gaaray Istanbul halkaasoo uu ka dhici doono shirweyne heer caalami ah oo arimaha Soomaaliya looga hadli doono, kaasoo ay soo abaabushay dawlada Turkiga.

garable,com
muxudin diini fiidow

URURKA AL-SHABAAB OO WADADA U GALAY WAFDIGII MADAXWEYNAHA SOOMAALIYA EE MAANTA GAARAY AFGOOYE

Madaxweynaha Dowladda Soomaaliya iyo wafdigii uu hogaaminayey ee gaaray Degmada Afgooye ee Gobolka Sh/hoose ayaa markii ay ka soo laabteen Degmadaasi waxaa wadada u galay Ciidamo ka tirsan Ururka Al-Shabaab.
Sida wararku sheegayaan Madaxweynaha iyo wafdigiisa ayaa xilliga la soo weeraray waxa ay marayeen inta u dhaxaysa Xaawo Cabdi iyo Ceelasha biyaha gaar ahaan halka loo yaqaan Calamada.

Wararka ayaa sheegaya in ciidamo ka tirsan Al-Shabaab ay ka yimaadeen dhanka galbeed ee deegaanka Calamada halkaas ay rasaas ku fureen gaadiidkii lagu galbinayey Madaxweyha iyo masuuliyiintii la socotay.

Goobta Madaxweynaha iyo wafdiga uu hogaaminayey lagu weeraray ayaa waxay ahayd Calamada halkaas oo socdaalkii uu ku maray markii uu u sii socday Degmada Afgooye uu kula hadlay shacabka ku dhaqan halkaasi.

Weerarkaas ayaa waxaa ku dhaawacmay Afhayeenka Ururka Ahlusunna ee qaaradda Yurub C/qaadir Owliyo, kaas oo la socday wafdiga Madaxweynaha.

Ciidamada Dowladda iyo kuwa AMISOM ayaa difaac ka galay deegaanka Calamada iyadoo halkaas uu ka bilowday dagaal u dhexeeyey labada dhinac oo muddo kooban socday.

Rasaastii la isweydaarsaday ayaa la sheegay inay ku dhaawacmeen tiro ka tirsan Ciidamada Dowladda oo gaaraya ilaa 7-askari ma jirto wax dhimasho ah oo ka dhashay weerarkaas.

Ilaa iyo hadda lama oga khasaaraha weerarkaasi ku gaaray Al-Shabaab.

Wafdiga Madaxweynaha ayaa si nabad galayo ah u soo gaaray magaalada Muqdisho
garable.com
muxudin diini fiidow

Deg deg- Duqaymo ba’an oo Ka Socda Magaaalada Kismaayo

Maraakiib nooca dagaalka oo aan ilaa imika la garaneyn cida iska leh ayaa saaka duqeymo ba’an ku wada Magaalada Kismaayo ee xarunta gobolka Jubada Hoose, iyadoona duqeymahaasi ay sababeen qasaarooyin lixaad leh. Goobjooge ku sugan Kismaayo oo ay HOL ka wareysatay Duqeynta ayaa sheegay in Maraakiib Dhowr ay ay safanyihiin xeebta Liido iyo Calanleey ee magaalada Kismaayo iyadoona Maraakiibtaasi ay ridayaan gantaallo aad u cul-culus.
“Duqeyntii saaka magaalada ku bilaabatay ilaa hada way socotaa, gantaaladana waxay kusoo dhacayaan xaafadaha Calanleey, Dabadhanaan iyo Xaafadda Mariino,” ayuu goobjooguhu hadalkiisii ku daray.
Xaafadda Dabadhanaan ayaa la sheegay in gantaal uu ku dhacay guri ay daganaayeen dad rayid ah, waxaana gantaalkaasi ku dhintay wiilyar halka ay dhaawacyo kasoo gaareen laba qof oo kale.
Khasaaraha ka dhashay duqeynta ayaa lagu soo waramayaa in uu aad u badanyahay, walow aan ilaa imika la heyn tirada rasmiga ah ee dadka ku waxyeeloobay, waxaana weli magaalada ku socoto duqeynta.
Xaafado ka tirsan magaalada ayaa waxa kasocdo barakac aad u xooggan, iyadoona dadku ay beegsanayaan xaafadaha ka fog fog goobaha ay duqeynta ku socoto.
Xoogagga Al-shababa ayaa iyaguna madaafiic ku ridaya maraakiibta dagaal, waxaana guud ahaan magaalada siweyn looga maqlayaa daryanka madaafiicda ay isku ridayaan labada dhinac.
Ilaa imika ma jiraan masuuliyiin katirsan Al-shabaab oo ka hadlay duqeynta iyo weliba khasaaraha ka dhashay, waxaana sidoo kale la ogeyn cida rasmiga ah ee iska leh maraakiibta duqeynta ka geysaneysa magaalada Kismaayo ee xarunta gobolka Jubada Hoose.

garable.com
muxudin diini fiidow

SARGAAL KA TIRSAN MILATARIGA SOMALIA OO FAAH FAAHIYEY GOOBO CUSUB OO AY KALA WAREEGEEN

Sarkaal ka tirsan Ciidamada Milatariga Soomaaliya ayaa faahfaahin ka bixiyay goobo cusub oo Al-Shabaab ay ku lahayeen gobolka Shabeelaha Dhexe.

Taliyaha Hoggaaminaya Ciidamada ku sugan duleedka dhanka waqooyi ee Magaalada Muqdisho Ibraahim Yuusuf Nuur oo la hadlay garable.com wariyahena ee Magaalada Muqdisho ayaa sheegay inay qabsadeen fariisimo Al-Shabaab ay ku sugnaayeen oo ku yaala Shabeelaha dhexe kaddib dagaal ay la galeen Ciidamada ururka Al-Shabaab.

Taliyaha ayaa sheegay in dagaalka oo socday muddo kooban ay ku gacan siinaayen Ciidamada AMISOM isaga oo intaasi ku daray in sidoo kale ay qabsadeen hub uu sheegay inay lahaayeen Ururka Al-Shabaab
Ibraahim Yuusuf Nuur Taliyaha Ciidamada ku sugan Duleedka Waqooyi ee Magaalada Muqdisho ayaa Shaxaraya deegaannada ay qabsadeen iyo Magacyadooda.

Wuxuu sheegay in deegaannada ay la wareegeen oo howd ah ay ku qabsadeen ilaa Afar qori oo yar yar ah iyo labo waaweyn oo uu sheegay inay ka qabsadeen Al-Shabaab.

Goobta ay hadda gaareen wuxuu sheegay inay tahay meel Caliyaale 7KM u jirta.

Ibraahim Yuusuf Nuur ayaa Sidoo kale sheegay in Ciidamada Dowlada ay wali ku sugan yihiin deeganadii ay la wareegeen isaga oo intaasi ku daray inay wadaan qorshaha qabshada degmada Balcad ee Gobolka Shabeelaha dhexe oo hadda ay ku sugan Ciidamada Ururka Al-Shabaab

garable.com

muxudin diini fiidow

Daawo Sawirada:Ciidamada Sida Gaarka Utababaran ee Sida Tooska Ugu Amar qaata Sheekh Shariif

Ayadoo maanta aan nisoo bandhigtay warbixin shegeyso in maanta Ciidamada dowlada sameyeen baaritaano xoogan kuwaas oo kafuliyay degmad afgooye ay kuso qab qabteen kooxo looga shakiye In xirii la lahayeen shabaab mujaahidin blse Waxa kadhex arkeysaan muuqaalkan Ciidamada sida toos ugu amar qaata madaxweyen shariif ee Alfa Group”










 muxudin diini fiidow
garable.com