MIDOWGA AFRIKA OO MAANTA GAADIID DAGAAL GUDDOONSIIYEY CIIDAMADA DOWLADDA SOOMAALIYA

 
Munaasabad maanta ka dhacday Xarunta Dugsiga Tababarka Xalane ee Magaalada Muqdisho ayaa waxaa 27 gadiid lagu guddoonsiiyay Ciidamada dowladda Soomaaliya.
Dowladda Mareykanka ayaa deeqdaasi waxaa ay ciidamada dowladda Soomaaliya u soo marsiisay Midowga Afrika, iyadoo la sheegay in ay ciidamada dowladda arrintaasi ay ka gacan siineyso dagaaladda ay kula jiraan Ururka Al-Shabaab.

Gadiidka maanta la guddoonsiiyay Ciidamada dowladda ayaa waxa ay isugu jireen 16 gaari oo ah kuwa loo yaqaano Uraalka oo ciidamada lagu dad gureeyo lix gawaarida Soomaalida ay u taqaano Cabdibilayaasha, Afar gaari oo ah kuwa lagu talagalay inay racaan madaxda hal gaari oo ah nooca biyaha lagu qaado.

Ra’iisul wasaare ku xigeen ahna Wasiirka ganacsiga Xukuumadda KMG Soomaaliya C/wahaab Ugaas Xuseen Ugaas Qaliif oo dowladda u guddoomay gadiidkaasi ayaa waxa uu sheegay in arrintaasi ay gacan ku siineyso dowladda inay hormar ka sameyso dagaalada ay ku jirto Al-Shabaab.

Sidoo kale waxaa goobta ka hadlay Madaxweynihii hore ee Ghana iminkana ah Ergayga Midowga Afrika u qaabilsan arrimaha Soomaaliya Jerry Rawlings asigoo sheegay in beesha caalamka ay ka go’an tahay tageerada ay siineeyso dowladda Soomaaliya deeqdaanna Dowladda Mareykana ay u soo marisay Midowga Afrika.

Dowladda Mareykanka ayaa waxa ay ka mid tahay dowladaha tageera Soomaaliya waxayna qeyb ka tahay dalalka bixiya lacagaha ay mushaar ahaan u qaataan Ciidamada AMISOM ee ku sugan Soomaaliya.

garable.com

muxudin diini fiidow